شرفني مرورك بموضوعي أخي الغالي ملك الليل والله يعطيك العافية ، وشكلك بكلامك هذا تبغى تحرّش الحريم عليّه اللي عندي في البيت ما قدرت عليها راح رأسي جعارم من ضرب المسواط على الطالعة والنازلة ، الله يسعدك يا ملك الليل شكلك ما بعد جربت ندغة المسواط بين عيونك وتشاريك تقول إنك بتكون زوج مسالم تمشي من جنب الحيط ، لكن نصيحتي لك ، بنات هالزمان ما يفيد معهن إلا العين الحمراء وإلا والله لتشرّق بك وتغرّب بك خلك حِمش ومُحـنّدر على طول .
دمت في خير وسعادة وحفظك الباري .
شرفني مرورك بموضوعي أخي الغالي أمير الكون والله يعطيك العافية ، ولو كان عندك سعلية بالبيت من أصحاب الركب السود تبهش فيك كل صابح فجر ما قلت هذا الكلام ، ما معك إلا حبيبة القلب الوالدة الله يحفظها لك ويُطوّل عمرها على طاعته ، أما بالنسبة للكوكتيل فلا حول ولا قوة إلا بالله ذلحين واحدة بصفاتها منفردة حتى إبليس ما يقدر فيها تبغى واحدة بكل الصفات ، هذه شيطانة والعياذ بالله ، والله لا يصدّفك في واحدة بكل هذه الصفات فتروح في خرايطها من أول ليلة بتُعرج بك في السماء ولا عاد ندري وين أراضيك ، أما من ناحية الأخت الفاضلة لؤلؤة زهران فليت كل الحريم مثلها فأنا من ناحيتها متطمئن وحاط رجل على رجل ولا بـياجي منها إلا كل علم طيّب ولكن الخوف من الباقيات وخصوصاً واحدة في خاطري تحاول دائماً تـتجنّب التعقيب على مواضيعي هذه عز الله لو تـتدخّل وتعقّب على الموضوع وش يفكنا منها ومن لسانها اللي يلوط أذانيها ما عندها يمه إرحميني دائماً تضرب في المليان وإيدها دائماً على الزناد ، الله يكفينا شرها .
دمت في خير وسعادة وحفظك الباري .