السلام عليكم ورحمة الله وبركاته
صباح / مساء
الخيــــــــر
اتمنى من الله قبولها
لنواظركم الطاهره
,
,
,
مدخل /
تدري / وش اكبر ذنب قدني اقتـرفته ؟!
كبّرت لي صغير .. وصغرّت لي كبير !!
,
,
,
صاحبي شف غيمنا هله ترا برضي زهور
بل ريق الغصن و اغسل كف الاوراق الندي
ابـرديه مع سحـايبها جبــاير للصـدور
لمـــها قبل ايتولجها من الخافق ردي
لو ما انته ذيب والا من مطاليع الصقور
"الثرا" ماهي "ثريا" و"السهيلي" مو "جدي"
ما خذينا من جسور الوصل ياكود العبور
والا وصلك من وطيته كن ليله سرمدي
ياااه .. كان الحلم في عيني مع الظلمات نور
واااه .. ياعيني ياليتك ما صحيتي ارقدي
عذربوا عذرا النوايا وادفنوها فـ القبور
قر .. يا جاش الخفيه عن مصيبه وابردي
لعثموا فاه اليتيمه عن مناطيق الشعور
وادمعت عين الصبوره واستباحتها يدي
فوق روضن ماهجده السيل والجمات بور
كود للي اركعن له قبل راسي يسجدي
شاعركـ تبرك له القيفان من بين السطور
وفي يده غيمن وفكره في سماها يرعدي
جيت للدنيا وانا من حسبة اطوال الشبور
عارفٍ نفسي مع العالم وحيّنت اوعدي
وانت لوكـ ذيب والا من مطاليع الصقور
"الثرا" ماهي "ثريا" و"السهيلي" مو "جدي"
,
,
,
مخرج /
وتدري / وش اصغر ذنب فيك ارتكبته ?!
قطّعت جنحانك ... و لا تقدر تطير !!