العلم الاخضر مساء رباع .... الفن والإبداع .... العلم الاخضر

كلمتين ورد غطاها عساها تنال الإعجاب ....

البدع : الزيادي=
**=
أيْ رباع الصعب من دمّ الوريد ومن دم الشريان=
مدحهم نورٌ على نور .. إجنحاتي به تحلّق ضيّه=
كلما آزوع المثل يزدان صوتي وإنتداهيه=
وإلا ماأتعمّد غُثاء السيل الذي يذهب جُفاء وش هوله=
أنا ودي بالعمى لكن عيوني ماترى الدّني=
ميّتعامل بالوفاء؟ وأصافحه بالخمس .. ميّتعامل؟=
من سحاب البدع والرد بارق التبديع والفنْ لاح=
عزوتي قلب الشجاع اللي دمي مايختلف عن دمّه=
ماشكى جور الزمن مهما جَلَبْ فتنه وحاف أزمات=
والله ياحملة جَمْلنا ماتزحزح عن ظهيره .. قرّه=
عاملوه أهله على قِلّة حياء وإلا علي هذّيب=
قلبه أقسى مالحجر .. والشور من زور الذّكي والحافظ=
الذي فنّد كتابات الشذوذ وساب قلمهن=
أكفني بالله ياشاعر (سمعت الحفل ينتع زيره)=
قُمْ وهات البدع والرد .. وإن تعذّرت إنت قِمْت أنا=
**=
الرد : الزيادي=
**=
سيّدي داؤود ! كلٌّ قال ميدك ماأندم الشريان=
تفتح أبواب القضايا .. غير ماتقدر تحلّ قضيّه=
ندري كم تحت السواهي من دواهي .. وإنت داهيه=
أنا باعلّمك وش هو له وجود الأجنبي؟ وش هو له؟=
ثمّ لي مطلب صغير .. إن شاء الله إنّك ماتردّني=
أنا رُجْل أعمال مستثمر وعندي 500 عامل=
منهم السّواق .. والنّجار .. والحدّاد ..والفلاّح=
وأغلب أولادي تخرّج بإمتياز وقاعدٌ عند أُمّه=
كان فيه أشوا حياه .. ومات بعد أعطوه حافز مات=
واللي وظّفتوه .. يرقد مايقوم إلا ظهيره قرّه=
واللي راعي بالحلال (أهْيَم) وكم يخطف عليه الذيب=
سيّدي داؤود .. ودّي إنشدك : كم عندك ولد ياحافظ؟=
وأعطني منهم ولد (ينجز بجهده سابق المِهَن)=
إنْ طِلَعْ منهم ولو واحد فحلّق شاربي تعزيره=
وإن طلبت العذر .. ليش أتعبت روحك وأنتقمتنا؟=
**=