15/10/2012, 04:55 AM
|
|
|
فاهيتا اللحمة بطريقة سهلة وسريعة على "سفرة دايمة"
فاهيتا اللحمة بطريقة سهلة وسريعة
ممكن تقدّمي الفاهيتا في ساندوتشات مع مايونيز وبطاطس محمرة
النهارده بنقدّم لك وصفة فاهيتا اللحمة، وهي وصفة سهلة وبديلة للشكل التقليدي للحوم، وكمان ممكن تعمليها لو باقي عندك لحمة من أكل يوم قبل كده..
فاهيتا اللحمة
المقادير:
4 قطع لحمة مقطّعة شرائح طولية
ثمرة فلفل أخضر مقطّعة شرائح طولية
ثمرة فلفل أحمر مقطّعة شرائح طولية
2 ملعقة كبيرة صوص الصويا
2 ملعقة كبيرة زيت زيتون
ثمرة بصل مقطّعة شرائح
ملعقة صغيرة كزبرة
ملعقة كبيرة خل
عصير ليمونة
ملح وفلفل
الطريقة:
1-تبّلي اللحمة بالليمون والخل والملح والفلفل والكزبرة، وسيبيها في التتبيلة لمدة ساعتين على الأقل في التلاجة.
2- شوّحي الفلفل والبصل مع زيت الزيتون في طاسة على النار، وبعد كده ضيفي عليهم شرائح اللحمة المتبلة، وقلّبي الخليط كله كويس على نار متوسطة، وبعدين ضيفي صوص الصويا وسيبي الفاهيتا على النار لحد ما اللحمة تستوي، وبعد كده ممكن تقدّميها في ساندوتشات مع المايونيز والبطاطس المحمرة أو مع أرز أبيض.. وبالهنا والشفا.
خلصت وصفتنا النهارده..
استنونا مع وصفات جديدة كل يوم..
سلام،،،
منقول
|