محتاجلك حيل و الله يقطع الحاجه..

حدتني و جيت اداري دمعه عيوني..

باين علي التعب و الضيق و انتاجه..

منهار لوني متغير ما هو بلوني..

لقيتك اللي يصد معقد احجاجه..

و انت اقرب الناس والغالي و مضنوني..

لكن على الله بديه الضيق وافراجه..

والا انت الله معك خابت بك ظنوني..

بلاش منك ومن موقفك واحراجه..

رح واتبع اللي خذوا مني و خلوني..

من صد عني ترى مانيب محتاجه..

من دونه اعيش دامه عاش مندوني..

ان قدر الله مع الايام نتواجه..

تمر مثلك مثل ناسن يمروني..

بعيوني تصير ما تسوا ولا حاجه..

من عقب ما كنت تسوا الناس بعيوني..


تحياتي لكم ...