ديرها مغنا ترى صاحبك راعي هجوس
شاعرلاضاقت الارض في عينه قصد
طول الليل التغلي وطال بنا الجلوس
ياترى ثملت فناجيلنا والا بعد
سالفتنا عجزت وانحنت ماهي عروس
احملت عشرين مرة ولا جابت ولد
ثوبها يستحضر اللون في كل الطقوس
جاهز للضحك الازرق وجاهز للنكد
كان عندك كذبة ما تعريها الشموس
خلنا نبني بها في مدى الصحراء بلد
غيرنا يبني مداين على راس الطعوس
وان سألته قال الانسان يخلق في كبد
حلمنا مقتول والقاتل ايمانه غموس
أي حلم نرتجي فزعته وايت وعد
كل عام من اوله نشعل الظلما دروس
والغريب ان آخر العام لم ينجح . . .
لا تفاءل فجرك المنتظر وجه عبوس
مثل وجهك ما على نظرتك فال السعد
من زمان ونحلتك هايمه بين الغروس
لجت الرمان من شان تجمع لك شهد
مشكلتها حظها يشبه لحظك نحوس
كلما جت عين زهرة لقت فيها رمد
شجرة الحظ ايبست عودها مليان سوس
لا تداوي يا مداوي ولا تشكي لاحد
............. مهــدي