أسـتـبـيـحـك
أستـبـيـحـك في غلاك اللي سكن بـيـن الحنايا
واستـبـيـحـك عن خطاي اللي جـنـيـتـه غصب عـني
واستـبـيـحـك بالهوى اللي صار من ضمن البقايا
يوم يسرح في خيالي بالـظـلـيـمة والـتـجـنـي
والمجال اللي عطـيـتـك خارج حدود المرايا
أنكسر يوم إن قـلـبـي تاه في بـحر الـتـمـنّي
واندثر باقي جنوني وانـتـثـر فوق الزوايا
وانـتهى وقتٍ قضـيـته بـيـن طـيـب وسوء ظـني
يـعلم الله ما جزعت من الجرايم والخطايا
هذا حظي من عرفته والمصايـب يـبـتـلـنّي
ما انصدمت بواقعي بس انصدمت من السوايا
كيف تسعى لاغـتـيـالي وانت ما غيرك سكني
يكفي اللي قد جرى لي إمتلأ جسمي كوايا
يوم ما صدّقـت من قال السلامة بالـتـأنـي
سافر وخل الوداع وتكفي إطعونك هدايا
والـخـنـاجـر من يديـنـك في زماني يـطـعـنـني
إرحل وسافر بعيد بدون لا تـكـتـب وصايا
ما بقي لي منـك غير حروف باقي يـجـرحـنّي
إنتهى وقت المرافع وأقـفـلـت كل القضايا
وابـتـدى عـشـق المسافة والكلافة والـتـثـنّـي