كيف ترجع والمسافر وصل نص الطريق

ما بقي له مثل ماراح من سكة سفــــر

من سـكر لابد من بعد سـكـراته يـفـيـق

والنصيب يصيب لو قـلـتـلـي وين المفر

البحر قد هـاج لكن يـمـنـعـه الـمـضـيـق

والسفينه تتوخى على مــوجــه حـــذر

خابرك يا صاح لو قلتلي خبرك عـتـيـق

هالـسـنه مـرت ولا فيه عــلــم ولا خـبـر

بعض الاشياء منك يانور عيني ما تليق

كم صبرنا لجل عينك ولا فـاد الـصـبـر

يوم ولعت الحطب يوم طفيت الحريق

ويوم ثالث خايف ما يدفيك الجـمـر

الحياة اشكال واللوان تلميع اوبريق

لو ضحكت ايام لابد ما تبكي دهــر

ما ظلمك ولا اظلم الناس حتى لاتضيق

انت مثل الناس لو كانت لي اغلى بشر

يا قساة الوقت ما عاد به عهد وثيق

فالسنين اللي ابتجي واللي اقفت مالعمر

لو تعلمت السباحه في البحر العميق

كان جبت اللول والماس من قاع البحر

ربنا ما حمل ارواحنا مالا تـطـيـــق

لاتهل الدمع ولا تردد يا قـــهــــــــــر

رح فمان الله وارجوك واصل بالطريق

المسافه عمر واعمارنا سكة سـفــر