نار الغدر





سلى القلب عنكم .. وانت ماتحسبه يسلى
الى شاف ماعافه .. سلى حب ..خلانه

قليته بنـار الغـدر وتحـرك المقلـى
تلذذ بشوفه ..يحترق .. فـوق نيرانـه

سنين وانا مخلص .. ودورت لك بـدلا
ودادٍ مضـى ملكتنـي بـه بريعـانـه

تجرعت كاس الصبر مرٍ .. على مهلا
لعل الصبر يوريك .. خطتك غلطانـه

خلافي معك ابيك .. تعلي عن السفلـي
وأبي سيرتك في الناس .. بالحمد مليانه

الى شفت مارجي فيك .. من سيرة مثلي
تقلب طعم المـوت والنفـس فرحانـه

ولك وياللهول .. ارخصـت مايغلـي
بذلي .. وذلي .. دست حبك على شأنه

ترفعت عن ماردك .. مااعاد لي مدلـي
اعاف القراح الي ..سفى فيه معطانـه

مثيلك يعيش بخير ... مع لابةٍ خبلـي
موازينهم بالعـرف .. تشبـه لميزانـه

تحسف الي ماذقت ما انت .. له اهـلا
يجي يومك اللي .. ماتحسب ... حسبانه