ودًي اسجـن شـاعـري واقـول طـم
خـلًـني اسلا واعـيـش بـألـف خـيــر
وان بــغــيــت الـبـرً جــنًــب ثـم نـم
لاتــقــول انـك عـلـى رايــه مــديــر
اوتـشـاغــلـنـي عـلى بـالـك عــشـم
تحـسـب انك صرت باحوالي خشير
او تـحـفًــزني عـلى صـقــل الـذمـم
واكـتـب اللي صـار واللي مايـصـير
تـحــتـويــني مـثـل عــبًـاد الـصـنـم
واحـتويك اب حال مجهول المصير
مـانـت عـاد اللـي من أوًل فـالـقــدم
راس حـربـه شـاعـره مـثـل الأمـير
يـومـهـا تـرقـى عـلى راس الهــرم
كـل جــلـسـه في مـسامـرهـا قـديـر
ويـاخــوي الـروح عــذري بـالـقـلـم
اكـتـبه والصـدر يـفـرش لك حـريـر
ربـمـا الحـالـه تـجــنًــبــنـي سـهــم
وربـمـا الحـاله تـحـل اللي عـسـيـر
الــدواعـي فـي زمــانـي تــحــتــدم
والمـهـايـط صـار عــدًه لـلـمـسـيـر
فــرض عـيـن ولالـنـا فــيـها غــنـم
والصـدوق اللي يـبوح ايصـيـرغير
قـول اقـوله صـيـر حـرًن واسـتقـم
لاتـصـيـر مع الاسـود اسمك بعـيـر