من بدع ابن مصلح:.................
ياسلامي على سوق حماه الشرف وارجالنا
هوذل ياسوقنا المندق ودونك رجال ابني كنانه
والله ينصر حكومتنا وينصر فهدنا بن سعود
وانت منا وفينا وانت حكمك عداله ياصديري
وانا باثني الترحيب نايب لعزوة بن ذياب
وانت ياطاحسي مامون عند الحكومه والقبيله
وابيوت الشغاغة من رجال الكرم واللازمة
الرد من الشاعر/ اللخمي :..........
ودي اسير وارجا كل جيد وهو يرجا لنا
مابغي اهدم جدار القصر واعلى مداه ابني كنانه
وارسم الغيض وازرع بذرة الحقد في فلب سعود
ابصر الناس في منوالهم ذا يرد وذيا صديري
مثل غرس العقول اللي عليها التمر والبن ذياب
البصنايع ودايع والبشر كل واحد له قبيله
واحد ( ن ) ينشر المذهب والاخر بكفه لازمة
|