كلمات في غاية الجمال استفزتني وانا اودع ردهات رباع فوقفت وقفه اخيره فكانت هذه الكلمات مصادفه للمغادره فلم اجد بدا من مجاراه ربما تكون اخيره واعذريني على قصور حرفي وتقبلي تحياتي واحترامي الشديدين
ترى الفرقى تورقنا وتخطف مع المها افراح=وانا ما اقوى على الفرقى تألمني وتتعبني
ترى في ساعة الفرقى احس ابداخلي تجتاح=هموم الوقت والعله احس انها تنهبني
صحيح اضحك على شانك ولكن في عيوني اصياح=احس الحرف من عندك يعانقني ويحظني
احس انك معي وحدك بعالمنا هوى وامزاح=واحس انك بعد وحدك بكل شي فيك تسكني
دموعي قمت اكفكفها ابي استر وهي افضاح=بغيت اودع احروفك اقبلها وا تقبلني
لقيت اني اعانقها وعطرك بالجمل فواح=لقيت الراحه في قربك تريحني او تعذبني
احس ابداخلي روحك وقلبك سارحٍ رواح=واحس ابداخلك روحي بحبك كم تحسسني
احس اهمومي الصلبه بقربك يالغلا تنزاح=ابيك ابحبك الطاهر من الزله تطهرني