تخيلتك معي لحظه وسويـت الحلـوم اعلـوم=سريت ابخافقي يمـك وحطيتـه علـى بابـك
وحسيت اني ابقربك الامس عطرك المشمـوم=وكني وانت نتصفـح ونقـرا داخـل اكتابـك
عيوني تتبع اعيونك وكفك في يـدي ملمـوم=احس ابلوعة الحظه واحسـك تسـدل اثيابـك
اشوفك تصرف اعيونك ومن بين العيون اسهوم=على قلبـي تصوبهاوفيهـا لوعـت اعتابـك
وتنشدني بنظراتك وش الـي داخلـك مكتـوم=وتنشد قلبي الملهوف من الاحزان وش جابـك
يجيب القلب في لهفـه ورده تعتريـه اهمـوم=يقول الشوق عذبني وجيـت البيـت طلابـك
قضيت اليل ما أدري خيال او هي بس.احلـوم=لكن احس ما حولي نطق بسمك ونـادى بـك
اشوفك داخلي تسرين وطيفك بالخيال ايحـوم=غديتي كل شيء فيني بدونك فكـري يتشابـك
بكل لهفه وكل ونه اشوف اسمك بهـا مختـوم=واشوف انك غلبتيني واحسب الهمس غلابـك
تعالي واحظني روحي ولمي قلبـي المظلـوم=تعالي وارحمي روحٍ كساهـا الهـم باسبابـك
عرفت ان القدر نافذ وسار الامر به محسـوم=على يدك نهاياتـي وموتـي سـار بحسابـك