*=
البدع: البرق اللامع=
*=
معذره من سكن غزه ترانا على العهد القديم=
نختلف نتفق وليا اجتمعنا يجي سكر زياده=
ومن رضي مرحبا واللي تضرر مرده للقضاء=
ماسمعنا ولاشفنا وحنا ترانا مادرينا=
وش حصل في زمان التقنيه والتطور والعلوم=
دمنا ماختلف والفكر باقي على منهاج واحد=
والتواريخ تزخر بالمواقف وتكتب من ذهب=
لو سمعنا بصرخة طفل والا عجوزا مر جوعه=
والا شفنا مساجد تنهدم فوق رؤس المسلمين=
كان ثارت براكين الغضب بين نظره والتفاته=
وكان صارت حياة المعتدي للواحد والحدود=
هيه ياهيه وين اللي بعد ننتظر يبدي بخيله=
في زمان التعري في زمان القهر والماجنات=
الله ياكم لنا نرقب بزوغه مع شمسا ورى شمس=
لجل ودي نهمش دور بقعا واحطم طارها=
*=
الرد : مسفرالفضيلي =
*=
الفضيلي يقول امشي علي علم وعهد القديم=
مافي القلب خوف ولا في القلب ذل ولا زياده=
ادرى الدين مهما طال وقته مرده للقضاء=
وش لقيتم من المنتوج يا اهل الحصي والمادرينا=
وش لقينا من القوات يوم المعارك والعلوم=
ندري ان الحصا ون جدوا اهل البناء منها جواحد=
علم يدري به الي واردآ للحياه ومن ذهب=
كم نقول مات ماقد فات عهدآ ونيس مرجوعه=
ويحنا مثل ماكنا مع كل وقتآ مسلمين=
انشغلنا بقيلت قبل نظم العهود اول تفاته=
ونسينا ان ما بين العرب لا بنود ولا حدود=
مثل ما قيل ما يرجاء الكرم ماليدين الي بخيله=
والمطر ما يشب النار ماحد جنا ما الماء جنات=
الثمر يا عزيز المعرفه طابت اوقاته وراش امس=
لاكن اصبر عسا غزر النوايا تحط امطارها=