البدع
يازيادي لاتقل بعض الفتن ماهيب صايره=
وانت تدري ان الجمال اللي تهادر كلها معقوله=
وان هذا الحال لاهو طايح ٍ كله ولاهو مال=
واما انا كم لي تعبت آقول طالع حالتي وارعاني=
صار قلبي مثل صاج ٍ يصطلي بالنار واحتما=
والسبب في حظي اللي كل ما مديت خير القا سي=
قالها من قبل (بن جدلان) واصغوا في نصايحه=


الرد
الظلوم اذا انكسر لاحد يقل ماهي بصايره=
يحسب ان الظلم حاله طيبه بين البشر معقوله=
مايطيح الدوله الا سلطة الطاغي وشغل المال=
والله ياراعي الخزاين مادرى عني وعن ورعاني=
اعتلى في سلطته وارهى كنوز المال واحتما=
الحذر ياكلّ ظالم من تهاويل الزمان القاسي=
لايجيكم صوت يحتار الاوادم فين صايحه=