ياسلام ياسلام اثر شي علومً هنيه
الشياطين والمناذير هنيه
الله يهولكم في هذا المنتدى مابقيتم شي هههههههههه
هيا اللي قد مر عليه من علوم الشيبان والكهيل
من المناذير يعلمنا
انا اعرف فن من فنون الشيبان والكهيل اسمه
الاقتباس
يعني يقتبسون الدعوه من الموضوع
وخليني اشرح لكم على السبوره ههههه
يعني مثلا واحد ينشد ولده يقول اشا عطيه
طحنت الحب والا بعد
يقول عطيه نسيتوها
فيرد القحم مقتبس من الطحين
يوه طحنو ضروسك ههههه
المثل الثاني
كنت زمان طالع الديره وطبعا عايش في الرياض ولا كنت اعرف حرص اهل الديره على الغروس
فرحت عند كهله من الكهيل ولقيت حول البيت
زرع من البرك والريحان
وبغيت اشم الريحه من اللقافه وطبعاً ماحبيت ادني لاتشوفني كهلة السكون قلت بقلع واحده واشمها بروقان
المهم اقتلعت واحده
شوي الا وصوت كما صوت الشيول
طبعا صوت الكهله تقول
(( يوه تقلعو ضروسك ))
وتعلمت فن الاقتباس من يومها ههههه
والحقيقه افتح المجال للبقيه ليعطونا من فن الاقتباس
يمكن الكهيل يختلفون من محل الى محل
حسب درجة الحراره والضغط الجوي هههههههههه