يترجمها لسانـي حسـب مفهـــومـي ولا زلّيـت
ولو يعجز كتبت احروفها فـي صـدر ديـــوانـي
يزور العين طيفك يالغضي لاأصبحت وإلآ أمسيت
ويسبح بك خيالي وانت راعـــــي كـل وجـــدانـي
ترى غيرك يجي ويروح ماشوفـه ولا أهتميـت
ولا من مد كفـــــه لـي صديقـي يـوم حيّــانـي
أسألـك باللـذي سـوّاك ماتـدري ولا حسّـــيـت
ولا أنتابك شعور إني سجينـك وانـت سجّانـي
معك صبري طويل أبشّـرك ماأقنـع ولا ملّيـت
متى ماحنّ قلبـك قـام حظّـي يـوم تنصــانـي
مكاني فوق نجم سهيل إذا كانت بقـرب وفيـت
ولك تلقاني اقرب من هدب عينـك والاجفانـي
تهلّي بي وتضحك لي فيافـي نجـد إذا حلّيـت
وتحزن مـن فراقـي شمّـخ الديـره وتنـــعانـي
ابعلّمك انـا مثـل القبـس مــجنـون إلآ قبّــيـت
وأنا برد وسلام إن ماضهر في الجـو نغصانـي
يضايقني وجود اللأش في هندام راعي الصيـت
ويعجبني عزيز النفـــس ع القاصيـن والدّانـــي
أبختـم والعـذر ياصاحبـي لـولاك مـــاغــــنّيـت
ولا في خاطري باصف لي بيتـن مـع الثــــانـي
هلا بك يابعد كل الخلايـق فـي مـــكانـك جيــت
عن اذنك يحتفي بك خافقـي ويـودّع أحــــزانـي