فقده المكان اللي قبل عام يجلس فيه=
ومن وين مالديت وجهي أحس إنه
ينادي بصوت الحزن وأجيب يالبيه=
عساني أرى من حبه القلب وعسى إنه
ويرجع صدى أنات من خافق يغليه=
على كل ركن من حنينه سأل عنه
يحن المكان وكل صرخة منه تنهيه=
ويصبح بقايا ذكريات" تزيدنه
من الوجد والآهات والوقت مايعطيه=
سوى دمعة مازادت إلا لظى الونه
بليا سبب أوذنب أو أي شي يجنيه=
رماه القدر بأقسى هموم تحزننه
وقلبي بعد مثل الأماكن غدى يبكيه=
مسيكين قلبي والقدر كيف ماحنه
فراقه شبيه النار في داخلي تغليه=
وقربه كما الفردوس وأحضانه الجنة
عصافيرحلمي طايرة مالها تشبيه=
بأواسط سحابات من الحب تسقنه
أحسه أشوفه أسمعه وامسك بيديه=
وأضمه على صدرعشق بالهوى فنه
بكل اتجاه أشوف وجهه وقبل فيه=
وأقول أن مابالكون حي مساونه
رماني في ارض الشوق والصبر وارض التيه =
وانا من هبوب الريح اداريه واحنه
عذاب الزمن من قسوته سبب التشويه=
بوجه الغريب اللي من الناس ايونه
فقدته وأنا مثل اليتيم المفارق بيه=
تلاعب به الأقدار والناس تجفنه
حبيبي قبل مايذبل العمر روف عليه=
ترى غيبتك موته وجيتك تحينه
فقدتك أنا والدرب ذاك الذي تمضيه=
وكل الأماكن من غيابك لها ونه
قلوا له يعود ومابقى بالعمر يفديه=
وفي داخل اعماقي وقلبي مسكنه
تلومون قلبي يوم بعده غدى يبكيه=
وتدرون في شرع الغرام البكا سنة