مساء الخير يا احلى شعارات الوله والشوق=مساء (ن) كل مالحن سواده مات بجفونك
مسا ساره معى نوره على هيفا بدلو الذوق=مساء (ن) ينزف المعنى من أول واخر جنونك
مساء اللي فتح في برج عشقه للعذارا سوق=مساء اللي يقضي منك احلى سلعه بلونك
مساء الكاش والشيكات مساء الدين والملحوق=مساء الطفره اللي تربك الاسهم بكانونك
مساء النون يانسوه مساء اللي عليه عذوق=مساء اللي قطف عنابته ياشوق من نونك
مسا عطري مع عدة عطور بفكري ومخفوق=مساء (ن) رش من تركيبتي والناتج عيونك
مساء رموش لا زادة عن المألوف يامخلوق=مساء ينفرد بك زين ولابه من يساوونك
مسا احساس لو خان الوفى في داخله مشنوق=مساء اللي عطى ما راح الا قال ممنونك
مساء الانتظار اللي يخلي صاحبه مصفوق=مساء اللي يتوهني وكل حروف يدرونك
مساء النادر اللي ماتخونه في القصيده اوق=مساء العجز لاضمك وقلتي له على هونك
مساء المحبره يوم اكتبت كل القصيده فوق=مسائك صفحتي وانا القلم والله ماخونك
مسائك أو انا آسف مسائي عاشق ومعشوق=مسائي عين ترقب جيتك والثانيه دونك