السلام عليكم بعد غياب طويل اعود اليكم بهذه القصيدة المهداة
ذبحني سموم القيض واتعبني التجوال=ادور على خلٍ بكت لجله اوطانه
له الارض مشتاقه وبعده شحوب الحال=وحتى الشجر من حسرته تذبل اغصانه
بكته الطيور الى لها بالوطن منزال=تغرد بشوق الفاقد الحان حزنانه
ةقلبي كساه الهم والحزن والغربال=نثر فوق سفح الشوق والهجر دمانه
انا المبتلى بالبعد والهجر ةالترحال=انا قتل فرحه في الروح حرمانه
قضيت العمر في رحلة البحث والامال=بقلبٍ على كثر الرجا زادت احزانه
سرقني العمر والبعد يا موجعيني طال=ولا عاد يقوى خافقي بعد خلانه
الا جارت الايام واتردت الاحول=فجهز حنوط والهمس وانسج له اكفانه