شعوب و حضارات و جبال و شجر و بحار=على مقربة من مهجع الشمس بشوية
نهار يتحول ليل. ليل يعود نهار=بهذا البلد في كل شي ازدواجية ...
على كل شاهد قبر باقة من الأزهار=من النادر تشوفه مع العالم الحية
تناقض و تيار يتصادم مع تيار =عقد و اضطرابات و صراعات نفسية
اذا سولفوا لو شكسبير ارتبك و احتار =هروج انقليزية ماهي بانقليزية
اذا شفتهم قلت انهم كلهم كفار =و الاغلب يهود و مسلمين و مسيحية
خلاصة بشر لكن اذا غطرف الدولار =يصيب البشر مثل الوفاة الدماغية
تكاد الترايب تلتصق بالعناق الحار=و عند الدراهم يقتلون الرومانسية
هنا ما يعرف الجار وش هي حقوق الجار=هنا شعب عشق الذات عشق الأنانية
مضى يوم واحد و اشعر اني غريب الدار=و احس انني عايش خيالات وهمية
انا كنت يوم اني فقير اغبط التجار =و ذلحين لو جاني فقير شمت فيه
امانة و في ذمتك يالكابتن الطيار =متى نتجه بالطايرة للسعودية