من محاورات ابن حوقان وعبدالواحد
الـــبـــدع:ابـــن حــــوقـــــان
*
كيف تصبر عالضماء والجوع ياذيبا بدا عواك
وانت شايف دون جلب سبيـع فتـل وانتقاضـي
بعدمـا حطـوا لهـا طـى وبعـد الـطـى حــرا
لو عطيتـك مـن جمـال سبيـع وبكـار الفداعـى
كـل مافكـرت فــى صـيـد الـفـلا لابــد عــاوى
*
الـــرد : عبـدالـوحـد بـــن ســعــود
*
كيف تصبر للظلايم واجـه القاضـي بدعـواك
لاصبح القاضي عدوك ياحليلك مـن تقاضي
كلمة القاضي تقص ايد الفتى وتطيح الراس
دعوة المظلوم عن مية مصلى والف داعـى
يسكـت المظلـوم والظالـم يعاجـل بالدعـاوى
*
الـــبـــدع:ابـــن حــــوقـــــان
*
يالله ياللى علم ابراهيم فرض الحج ولانساك
وانت لو مريت مكـة مرمنهـا وانـت فاضـي
والبحور الهايلـه ماجـات بالهقـوة وبالقيـس
وانا قد شاهدت حول البيت طـواف وساعـى
وانت جنب عن طريق القافله يـاذى بطـاوى
*
الــرد: عـبـد اواحـــد بـــن سـعــود *
ياولـد حوقـان والله ماتساهـى بـك ولا انسـاك
لايـغـرك قــل حيـلـى وارتعـاشـى وانتفـاضـي
قل لنا من حرض الهدهد يحطم عرش بلقيس
وانت ماضاقت بك ارض الله والدنيا وساعـى
وانا مادرى ماخدمك الحـظ والا ذيـب طـاوى
*
الــبـــدع : ابـــــن حـــوقـــان *
يابو متعب كنت احسّب شاعر العرضة بلاجنون
مادري يتكلـم بصـوت الجـن والا بروحـه جنـي
ياحليـل الشاعـر اللـي مالـقـي لــه مــن يعلـمـه
لاتصدق من يقول لك شاعر العرضه بـلا جنيـه
واللـي يحلـف مامـعـه جنـيـه ايـضـا لاتصـدقـه
*
الـــرد: عبـدالـواحـد بـــن ســعــود *
عادتكم ياهل العوايد تزرعون وغيركم يجنون
عندي اصحابٌ بطيب الخاطر اجيهـم ويجنـي
سيماهم بوجوههم في كل وجه ماء يعـل مـه
روح دور غيرها واللعب على غيري بلاجنيه
تبغيـنـا ننـفـق ونتـصـدق ومـالـك ماتصـدقـه
الــبـــدع: ابــــــن حـــوقـــان *
يابو متعب كنت احسّب شاعر العرضة بلاجنون
مادري يتكلـم بصـوت الجـن والا بروحـه جن
ياحليـل الشاعـر اللـي مالـقـي لــه مــن يعلـمـه
لاتصدق من يقول لك شاعر العرضه بـلا جنيـه
واللـي يحلـف مامـعـه جنـيـه ايـضـا لاتصـدقـه
*
الـــرد: عبـدالـواحـد بـــن ســعــود
*
عادتكم ياهل العوايد تزرعون وغيركم يجنون
عندي اصحابٌ بطيب الخاطر اجيهـم ويجنـي
سيماهم بوجوههم في كل وجه ماء يعـل مـه
روح دور غيرها واللعب على غيري بلاجنيه
تبغيـنـا ننـفـق ونتـصـدق ومـالـك ماتصـدقـه
*
الــبـــدع : ابـــــن حـــوقـــان *
يا سقى الله يوم رفع الصوت بالتكبير والتهليـل
ثم جا دور الجمال اللي تشيل الحمل ما ينشالـي
وامتطينا البحر حتى غـاض مايـه عـن مكاينـه
واصبحنا نملك طموح العبقري ومهارة الياباني
ساعتهـا نقـدر نجيـب اللـي لـنـا والـلـي لغيـرنـا
*
الـــرد: عبـدالـواحـد بـــن ســعــود *
الريال رخيص وارخص منه سعر القرش والتهليل
ياسحابة حيث شيتـي والسحـاب الغـر لـو ينشالـي
مايكون بوي ارتهـن ضعنـه وهاجـر عـن مكاينـه
الرمال اللي في الصحراء ما أحد يبني بها يا باني
والخـيـول مقطـعـات ظـهـور مـــا تـنـفـع لغـيـرنـا