أرجو ان تقبلو هذه المتواضعه ! وهي الأخيره قبل الاجازه
( لتصفية النفوس)
ارجو ان ترتقي الى ذائقتكم
وهي هديه لكل من اتعبه الفراق
الصبر زين ! الا عذاب وهم ويش الصبر زين=الا أغتشى الكون السواد وصارت الدنيا قبر
يارب يامعبود يالله يامعين الصابرين=تلهمني السلوان في بعده وتلهمني الصبر
لو طاوعك قلبك تخليني وتتركني حزين=يصير قلبي غصن يتغذى على ضيقة صدر
أنا قسم بالله ماتحمًل غيابك ساعتين=شف عاد لو طول غيابك ياحبيبي عن شهر
المسأله ماهي براءة وجه ونعومة يدين=ولاهي شفاه ولين عود ورمش وعيون وشعر
المسأله ماهيب جوال وصور ورسالتين=رغم ان صدري في غيابك ما نسى بوح الصور
المسأله زفرات يتعذب بها صدر السنين=تبكي لها أشواقه وتذبل وردتينه لا زفر
للحين وكفوفي بذكرى سالفة رقه ولين=اللي كتبها كفك الدافي على طاري السفر
أحس في صدري شجن مادري حزن مادري ونين=او كلها بس خفت لا تحزن وحبيت أختصر
الصبر زين ! الكلمه اللي عذبت صدر السنين=آخاف لو طول غيابك يختفي بوح الصور