جوني ثلاثـة كلبوهـم محبيـن
وكلن بنفسه حاجتن مـا قضاهـا


قلت آمروا قالوا نصيناك عانيـن
وافزع الحال اللي حياته شكاهـا


الاولى مجبور في داعـج العيـن
لكنها خطبـت وغيـره خذاهـا


قلت انت حل مصيبتك يامسكيـن
تصبر الين النفس تلحق هواهـا


اما تولع في هوى نـاس ثانيـن
والا تسرح ثم تسـرح iiمعاهـا


والثاني الي عذبه كامـل الزيـن
واقفت وراحت مادرى وش بلاها


قلت انت لاتتبع هوى ناس خالين
واتهين نفسك من سبايب جفاهـا


نفس العنا بالك تذلك على الشيـن
خلك عزيز النفس وأقطع رجاها


والثالث اللي ماعـرف للمزاييـن
يبي الهوى ويخاف من منتهاهـا


قلت انت بالك تدخل الحب هالحين
ليما هذيك البنت ابحـث خفاهـا


كانك لقيت احباب قلبك حبيبيـن
ادخل واحذر لايصيبـك عناهـا


وكانك لقيت انه نوايـا شياطيـن
بالك توهـق بالمحبـه وشقاهـا