يا دموعه ليش بين لـي خضوعـه
ليش يجرح كبريائه فـي رجوعـه
يوم أنا أتمنى وصاله صـد عنـي
ويوم جافيته ولهتـي يـا دموعـه
بترك الأيـام تلعـب فـي حياتـه
كل ذكرى تمر فـي بالـه تلوعـه
وأسأل الحسـرات والونـات عنـه
لازم اللي راعنـي منـه يروعـه
صدق أنا أحبه وهو غاية مـرادي
بس أنا تصعب عليّ نفسي الجزوعة
علمتنـي دمعتـي سـر السعـادة
يوم جربت الشقـا ميـزت نوعـه
لو حرمت النفس مدة مـن هواهـا
الهنا باكر يضـوي لـي شموعـه
مثل ساري الليل خايف من ظلامه
ويتحـرا للقمـر يرجـي طلوعـه
يا دموعه لونـي ليلـة بصبـري
الحضيظ اللي مشا قلبـه بطوعـه
ذكريه لحظة من لحظـات يأسـي
فيها ما قدر دموعـي يـا دموعـه