سلام أطيب من الكادي وخوط البرك والريحـان
إلى من هَبّه الغربـي مـع صُبْـح أنبلـج نـوره
عقيد الشور..وافي..زايد(ن) قَدْره..رفيـع الشّـان
على إسمه صقر..وإنّ الصقر فيه أوصاف مخبوره
إلى من هَـدّ مخلابـه وطـار وفـرّد الجنحـان
تموت أم الحباري في فجـوج الأرض مذعـوره
ومن سلّـم علـى عبدالله..يسلّـم علـى سلطـان
سلام الله على مشهور..وإنّ الرّشْـد مـن شـوره
مدير المنتدى ..صادق ..خلوق ومن طوال أيمان
بصولاتـه وجولاته..حنايـا الصـرح معمـوره
كريم..وشهم..متغاضي يجازي السيئـه بإحسـان
وسيـع البال..مهمـا تكبـر الـزلاّت (مغفـوره)
لذلك كلّما شقّـر علـى موضـوع بـن عجـلان
عَذَرْ وضحى..ووضحى بالشرف والعِزّ مشهـوره
وكلمة (ياعيـون الرّيـم)والا (ياغصيـن ألبـان)
أبد..ماهـزّت المنـهـج بقانـونـه ودسـتـوره
حباهـم بالعفـو والمغفـره والشكـر والعرفـان
ومهما قيل .. تبقـى رايـة التوحيـد منصـوره
وأنا جيته مهاجـر مالجحيـم لجنّـة الرضـوان
على مركب مطيّـه بـالأدب والشعـر مذكـوره
أبد لاتجذبـون الحبْـل ماناخـت ببـاب إنسـان
دَعُوها ناقـة الهجـره تحـثّ السيـر مأمـوره
أنا من عالم(ن) ثاني..أنـا صفحـه بـلا عنـوان
أنا واحد غريـب وفـي مدينـه شبـه مهجـوره
أنا مولود قبل ألفين عـام ..وجيـت أعيـش الآن
أنـا تاريـخ حافل..كاتبـه طفـل(ن) بطبشـوره
لإنّي كنـت متميّـز تجرّعـت العـذاب ألـوان
لإنـي صـادق النيّـه لقيـت الصـدق فـزّوره
لساني من ذهب غطّى عليـه اللـول والمرجـان
وفي داخل قُفَصْ صدري قزازة عِطْـر مكسـوره
لوَ أجلس في ضواحي شاطيء الراحه مع غسّـان
نَقلت أحداث الأقصى للعرب بالصوت والصـوره
وإذا البيرق يبي له شاعر(ن) في قبضتـه ثعبـان
يحاول يلفـت الأنظـار فـي بيتيـن مسحـوره
فأنا في قبضة إيْديّه عصا موسـى ولـد عمـران
شجاع أقرع..علـى مايأفِكون..وكاشـف العـوره
تراني لوبغيت أعرف مدى نبض الجمل سمحـان
أطوّل في حباله ..ثـمّ أحـطّ إيـدي علـى زوره
ولكن حظي العاثر في أجمل صورتـه (غلبـان)
قرأ فوق أربعين آيـه ولا يـدري وش السّـوره
كما حظ العريس اللي صُبـر ماكـان بالإمكـان
عن أسباب الحرام..وصفحتـه بيضـاء وبلّـوره
وفي ليلة فرح عُمْره علىَ آخِـرْ رَمَـقْ نشـوان
تقول:إشـارتـي حمراء..ويعذرها..ومـعـذوره
وفـي سابـع لياليها..وبعـد الصبـر والسّلـوان
سِمَع منها (عبـارة بنـت سكرانـه ومخمـوره)
على سمّاعة الهاتـف تقـول :أرجـوك ياعدنـان
تـدوّر لـي عُـذُرْ ثاني..تَعبْـت أقلّـه الـدوره
ومن حظّي..وزلـزال القصيد..وثـورة البركـان
كتبت الشعر ..يمكن لـو كتبتـه تركـد الثـوره
وربّي لا ولـد شمّـر ..ولانـي للغـزل ولهـان
ولاجيت أسـأل العالـم..ولا أدوّر علـى نـوره
و فالآخر ترانا راحلين و(مـن عليهـا فـان)
ويبقـى كـل شـي مكتوب..للأجيـال مأثـوره
عزاي إنّ أصغر أبنائي بصـدره حافـظ القـرآن
وشاعر مثل أبـوه ..وعنـده الأطفـال مقهـوره
مصيره يـوم مالأيّـام يكتـب للعـرب ديـوان
على مـرأى ومسمـع مـن محبّينـه وجمهـوره
ومن يسْمعه قال الشاعر المرمـوق ولْـد إفـلان
وهذا الشبل من ذاك الأسـد والمبـدع إسطـوره
وأنا ماأبغى منه..من بعد موتي شيّ ماللـي كـان
كفايه لو دعَى لـي دعوتيـن ..إيْديـه مشكـوره
بَعَدْ هذا الخَبـر ياصَقْـر والتوضيـح والفرقـان
بشوفك ماندمـت ولا دخلـت أقسـام محظـوره
أنا أقدّر رباع الصعب ..وأغليك إنت والأخـوان
عسى دولة ربـاع الصعـب بالهتّـان ممطـوره
تعالـوا وأسمعـوا ياعاشقيـن الشعـر بالإلحـان
قصيدة شخص متواضع ..وفيها أبيـات مغـروره
*******
__________________