ذابت حروفي في حروفك وهامت=مثل العسل لاذوبته الشفايف
يوم ارتحلتي كن شمسي تعامت =والا توارت واعترتها كسايف
حولي ظلام او باقي الكون صامت=الروح ملت منه والقلب عايف
البارحه يوم المخاليق نامت=وانا على طاريك قلبي نصايف
اذكرك والالحان والشوق قامت=تلعب على الطاروق مثل الولايف
اكتب قصيدي والمشاعر تنامت=جاك القصيد او جت حروفي لهايف
تطلبك في روحٍ عن الحب صامت=بعدك تعنت لين ذابت حسايف
ليت السعاده بعد روحتك دامت=واتمتعت روحي بطيب الخلايف
جوارحي تشجب عيوني ولامت=من كثر ما تسهر تجيها رجايف
هذا قصيدي والمعاني ترامت=عند العيون الي هدبها تلايف