نغيب ونختفي بين السراب
وعالم الناسين
وفي دنيا الملامه من بيجبر
خاطري لو لمت
.
ودايم ساعة الذكرى تدقّ
ابقلبي المسكين
تذكّرنا وحنّا ما نسينا
لو نسانا الوقت
.
ويجمع عقرب الساعه من
اوقات الفراق اسنين
سنين ابعالم النسيان اعيش
وفي. حياتي مت
.
والا. وين السعاده في غياب
الروح وانا وين
تغيب الروح ياوقت السعد
مادام عنّي غبت
.
ولا زلنا ولو رحنا على عهد
الغلا باقين
زمالة عمر ياقلبي توصّى
بالغلا لاهنت
.
ولو من بعدهم عمري مشى
في سكّة التايهين
تتوّهنا عناوين الحياه
وللضياع اوشكت
.
تروح ايامنا منّا وحنّا
للألم باقين
ويجذبنا المصير وللنهايات
الحزينه ايقنت
.
ويبقى حلمي الضايع رهينه
في سنة الفين
ولو ترجع بي الدنيا اقول
انته زماني انت
.
من اللي عاد يذكرنا وعن
ذاك الزمن راضين
انا لا مر من عيني خياله
بالغلا سلّمت
.
والى من هزّ وجداني هوى
قلبي وشوق العين
فرشت الجرح والذكرى على
عذب الخيال ونمت
علي السّبيّه