وضًح لي الصوره

سلام .. والا ليه أسلم وأنت ما تبغى السلام=لو كنت توفي للمشاعر كان جيت وزرتني
إن كان قلبك يملكه غيري فقلًي قبل أنام=عشان لا غمًضت جفني يستريح ويهتني
وضح لي الصوره عشان أرتاح من هم الظلام=ما ودي أرحل عن ديارك وأنت ما علمتني
تفرش لي الفرقى وتزعل يوم لحفتك ملام=كنك مسكت ايدي ولديار الحزن وديتني
قبلك ضما صدري وجيت أسقيتني عذب الكلام=لكن قسم بالله من بعد الفراق أبكيتني
تدري؟.. ترى للصبر حدً.. وللكرامات إحترام=ماقدر على فضح المشاعر وأنت ما حبيتني
انا تراني قبل شوفك باقي أنقاض وحطام=وكنت متبعثر وبحروف الغلا لمًيتني
تصدق إنك لو تجي وحدك تسبب لي زحام؟=تراك بإحساسك وقلبك والغلا حاصرتني
يجوز جيت ورحت ما هزيت لي غصن الغرام=بس الاكيد إنك بطاري غيبتك هزيتني
درب السهر قاسي تعال وضمني قبل المنام= كيف أقدر آغمًض عيوني وأنت ما ضمًيتني