شهيد القدس

شهيد القدس


بقلم:ابو عبيد

بعون الله وعز الله وصدق ايمان جاء من جـاش=نرد المسجد الاقصـى نـرد القـدس واترابـه
مدام الطفل ذاك اللي ربط جرحه بخيط اقمـاش=ودوّر لـه حجـر قاسـي وواجـه فيـه دبابـه
بترجع يوم يالاقصى بترجع لن كبر ون عـاش=بترجع دامك انت الحق واهـل الحـق طلابـه
ملايين استشهدو لاجلك ولاجلك كوم بالانعـاش=ولاجل انك حرم ثالث نبـي الحـق صلـى بـه
صحيح الحيد ما يقوى يواجـه وابـل الرشـاش=لكن الحيد بايد اللي عـرف ربـه ويقـوى بـه
ما ههمه شوفة البندق ولا هم الرصاص ان طاش=ولا هم السلاح اللي بـلاد الغـرب تعـزا بـه
بتهليلـه وتكبـيـره وذكــر الله والمنـقـاش=نقش كل الرصاص اللي يصيبه مـا تثنـى بـه
ربط عالجرح بالعمه وغيره يربطـه بالشـاش=وقال القدس لـي والله ولا صهيـون يبقـى بـه
هذاك ابن الشهيد اللي تقـدم مانهـزم وانحـاش=وقـال احنـا بـلاد ايمـان وبالايمـان غلابـه
برغم ان الزمن قاسي ورغم ان الزمن غشـاش=ورغم القهـر والذلـه ورغـم المـر واعذابـه
شهيد القدس لا تحزن فدمـك مانهـدر بابـلاش=ويكفيك الفخر بانك نهـار العـرض تحيـا بـه
بعون الله وعزالله وصدق ايمان جاء من جـاش=نرد المسجد الاقصـى نـرد القـدس واترابـه