ما عاش من يرسم الدمعه على خده

ما عاش من يرسم الدمعه على خده=ما عاش من زعل اعيونه وبكاها
يا جعل روحٍ تصد اتموت منهده=والا تعذب بنيرانٍ تصلاها
الغالي الي عليه الروح محتده=تقول عاشت حدادالبعد عناها
ابو كفوف بها رسمات منقده=راعي الجدايل تقول اليل مبداها
راعي العيون الوساع الي بها حده=الا رمش كن سعف النخل غطاها
خفيف ظله طغى مزحه على جده=روح المرح داخله تسري ورباها
روحي وقلبي وفكري كلها عنده=سرق مشاعر وسورها وخلاها
الروح بالحبس والمفتاح في يده=لا هو تركها ولا نادى ومناها
العمر لا راح قلي كيف با رده =تتسابق ايام عمري في معداها
والشيب لا شب راسي كيف باصده= وكيف باوقف سنيني واتحداها