مرثيه في ابن مصلح

مات ابن مصلح وماتت حفلة
الموسم
ماعاد للعرضه هيبه بعد بن
مصلح
.
ماهو قصور" في الشّعار
والاّ ذمّ
لكن من غيره الحفلات
ماتصلح
.
محافل العرضه بعده تمتلي
بالهمّ
يتبلكم الشعر لا يحزن
ولا يفرح
.
كان ابن مصلح عميد العرضه
مايهزم
زناد شعره على صم الصفى
يقدح
.
قصايده بعد موته عنه
تتكلّم
وعذب صوته على طول المدى
يصدح
.
من المطانيخ واهل المرجله
والعزم
والهيبه والبندقه والسيف
والمشلح
.
للشعر يعطي دروس ومنه
نتعلّم
قصايده في فنون الشقر كم
تشرح
.
شاعر قبيله قدير وبالمدح
يهتم
على المنصات كم بين العرب
يمدح
.
انا اشهد انّا فقدنا الشاعر
الملهم
والمعرفه العذبه اللي بالعطاء
تنضح
.
هجم عليه القدر يوم القدر
يحكم
والله يحسن عزانا مات
بن مصلح
علي السبيّه