على شاطيء نهر حبك

على شاطي نهر حبك رسى قلبي باشواقه=وحط ابمركبه عندك ويبدي فيك اعجابه
سكنت ابضفةالشاطي ورحي حيل مشتاقه=مقابل قصرك الهادي غدت تمنعني ابوابه
عيوني قمت اصرفها وهي للقصر منساقه=وتتبع نظرة اعيوني شجون الشوق منسابه
فتحت الباب في غفله وجتك الروح تواقه=وصافح قلبي الملهوف مشاعر قلبك اوصابه
تبادلنا مشاعرنا بلوعة حب حراقه=لبس قلبي دفا قلبك وسار الحب جلبابه
وخيلت القصر قصري وصوتي يسكن ابواقه=وفي داخل دهاليزه مشاعر حب شبابه
وروحي طوعت بامرك مطيعه لك وطرّاقه=احسب القصر من حقي اثاري القصر لصحابه
وقررت اركب الموجه بمركب ما بها طاقه=ركبت الموج في غيه بغيت اموت باسبابه
وفي وسط البحر قلبي تزايد فيه خفاقه=وروحي بالعنا قامت لراعي القصر طلابه
غدا قلبي يناديها اثاري الروح سباقه=طعون البعد كاويها ونار الشوق لهابه
وانا في غبة الموجه اشوف الوحشه طواقه=واشوف الوقت عاندني معاه اظروف غلابه
وشفت ان الزمن كذبه وبه لحظات سراقه=نسايرها ولا ندري وهي للروح نهابه
وشفت ان الهموم اوصت على روحي وطباقه=وقلبي قام يتعنى وهو ساجد بمحرابه
لقيت ان الصبريشكي وقلبي يعلن ارهاقه=تعب من كثرة اسفاره وهو يبحث عن احبابه
وانا وسط البحر وحدي بمركب يعلن اغراقه=ولابه شط نرسي به واشوف الموجه غصابه

الله الله ياشاعرالاحساس قصيده رائعه من روائع
الهمس الله يلوم اللي يلوم من يعجب في الهمس
وقصايد الهمس صح لسانك ملايييييييييييييين

العزيز السبيه
الحقيقه تعجبني روحك الجميله
رغم ما يدور من محاوروات وشد وجذب بيننا الا انك تمر وتعبر
وهذه ميزة الكبار دائما ما يكونون في حجم ما يقدمونه
انت بكل حق شاعر مبدع ومرورك يسعد من تمر عليه
وانا هنا اتقلد الوسام من السبيه
وهذا شرف عظيم لي
سلمت عينان قرات ويدان كتبت
تقبل تحياتي

يا سلاااااااااااااااااااااااااااااااااااااام
صح لسانك وبدنك وسلم قلمك مبدع مبدع بكل ما تعنيه الكلمه
كل بيت يزن قصيده كامله

صدقني لك بصمه في كل بيت ولك في كل كلمه صفحه
الهمس جنون الشعر وروعة احساس غير طبيعي
كلماتك تسحر اسمحلي في كل تعليقاتي
ترى غصب عن من يتذوق الجمال ان يكتب كلمة ثناء للهمس
الهمس سلمت يدك عيوني