الهمس

طبعا الهمس طغا وتجبر في هذا المنتدى وعمل فينا عمايله
ولا ندري عن موجه وين ابيودينا لكن اللللللللللللله يعين

البدع

الحقيقه الهمس فينا قام يستعرض قواه
وانا قاومته ولكن مامعي شاعر قوي
غير بااجاهد وبااحاول معه لو ما قويت
وان عجزت ولاقدرت اقاومه حيل الله اقوى
يالله ياربي تسلط عاالقوي اقوى منه

والله انت شاعر وقوي ولي فخر مجاراتك وليس مقارعتك
والدليل على ذلك ان السبيه يستثير من يشاء بروائع الكلمات
لكن الدعوه الأخيره عامه والا خاصه يا صديقي؟؟؟
************************************************** ************************

الــــــــــــــــــــــــــــــــــــــــــرد
الله يا قلبٍ تعلل كيف بالحامض قواه
وسمي الي قد وسمته قام ينشى عرقوي
يا حليل الي تمنى في دروبي له قويت
كم من التيجان طاحت يوم راعيها تهقوى
والقلوب الي توقت نامت بالتقوى امنه

الحقيقه انكم شعار كبار كبار كبار
وانكم مكسب لكل واحد وده يستفيد ويرقى في هامات الشعر
هذي ليست مجامله ولكن الواقع المشاهد يقول اكثر مما قلته ومانثرتوه لنا من نزف خير شاهد ودليل

الله لا يفرقكم عن بعض ولا يجعل لضعاف النفوس بينكم سبيل



اخوكم
الصهيبي

الله يعطيكم العافية كلام رائع من شعار كبار بمعنى الكلمة والشاعر الصهيبي اشتقنا لقصائده ليته يشارك اخوانه القوارع

ابشر يابو احمد وهذا بدع مني على قارعة النشاما على شانك
وياليت الظروف تجود واعود
البدع
.
.
.

كان عندي طير يبهر لا تعلى في هواه=
يتوي افريسته من نظره من اعيانه توي=
لا هوى للصيد جيت انشده قلي وش هويت=
صاف هرجي محقره مدري كبر ويزيد يهوى=
ماقويت اجرى لصيده في غيابه واكله=

ودمتم بود
اخوكم
الصهيبي

كان عندي طير يبهر لا تعلـى فـي هـواه

قصيدة رائعة بروعة القائل شاعر كبير بدون منازع نسعد عندما يكون بيننا ونشتاق عندما يغيب عنا ذكرني هذا البيت ببيت للامير الشاعر خالد الفيصل يقول فيه
ستل جناحه ثم حام يرقى على متن السحاب

ننتظر عودتك كما عودتنا أيها الرائع

حي الله اخونا وشاعرنا الغالي الغايب الحاضر الصهيبي
الصهيبي شاعركبير وفخر لكل من يقصد معه ومروره اعتبره
وسام اعلقه على صدري وشهادته تكفيني عن الاخرين
استلم الرد ياصهيبي

الرد
الذي يهوى الدناوه ماتعلى في هواه
ياصهيبي وش بنكسب لو للعيا نهتوي
زاد جرح القلب وانا كم عشقت وكم هويت
والقلوب الا لها قلبي من اول كان يهوي
اللي خاين ياصهيبي لاتمد اللواك له

قرت القارعة بينكم يالثلاثة شعار مبدعين نتمنى لكم مواصلة مستمرة مايكدرها كدر

صقر الجنوب
دمت عزا للمنتدى وشاكر لك حسن الاطراء وعسانا عند حسن الظن

الشاعر الكبير
علي السبيه
صح لسانك وعلى شانك على هذي الردود وانت والهمس مثال رائع للثنائي عرف بالشاعريه والمحبه والوفاق
وهذا بدع على القارعه واعذروني على القصور
البدع
.
.
غصن يعجبني روي والحب طـــــالع من رواه
سم حالي غصن ضامر عــــــود وشبه ماروي
كان مايروى من الماء العــذب قله وش رويت
مايطالع في فروع اغصان غيره كيف تروى
حــارب الله كل غصن شح مـــــــــايروي هله






الصهيبي

الرد

قبل ماتقرى الحديث اوصيك طالع من رواه
وحديث امسيلمه الكذاب خايب ماروي
ياصهيبي وش قريت من المثايل وش رويت
كيف تنقل علم ماتعرف خبره وكيف تروي
يقولون العهده عاالراوي ومايرويه له