يالي سكنت الرياض

يالي سكنت الرياض او يتبعك قلبي=حبك سرى به وهم البعد جلاده
غديت مثل الغريب اتوه في دربي=اتبع سرابك وشوقي يشعل ازناده
شديت يمك رحالي داعيٍٍ ربي=يجمع شتات الشمل لطّاف بعباده
رحلت من ديرتي والقلب متنبي =حبك شرابه وعذب الشوق زواده
سريت في ليل واسلاحي على جنبي=ناصيك واليل جفني حرم ارقاده
اقطع مسافات يلفحني هوا الغربي=والقلب رغم الهبايب يعلن اعناده
لحظات اريح وابل الساني من شربي=ولا ذكرتك يمل القلب مقعاده
واحزم عزولي واشد الرحل والبي=ندا فوادٍ غدا يعلن لك اجهاده
لهايب القيض زادت من لهب حبي=احسها تحرق انفاسي ووقاده
لاهب نسمه عليله قلت ابد جنبي=احسها منك مرسوله ومنقاده
في ليل مابه ونيسٍ ناري اتشبي=اجر لحن القصيد الي لك امراده
غديت مثل الذي يقنص وهو يحبي=رمى على الصيد سهمه ميرما صاده
رمشك رماني وقدك قام يلعب بي=واخدودك الي عليها العين نشاده
وجهك تقول القمر بالغيم متخبي=وامشاعري قوم موسى فيه عباده
قمت ادعي الله يقرب مسكنك قربي=ما عاد بالقلب شده واعلن اجهاده
حسبي على الي مبعد مسكنك حسبي=حسبي على الي لحب الهمس نقاده

حسبي على الي مبعد مسكنك حسبي

حسبي على الي لحب الهمس نقـاده

صح لسانك ياشاعر اشتقنا لشعرك وروعته

يعطيك الف عافيه يالهمس
مبدع كعادتك

غديت مثل الذي يقنص وهو يحبـي=
رمى على الصيد سهمه ميرما صاده=

ياسلام صح لسانك ياشيخ

صح لسانك وعلا شانك
ولك خالص شكري وتقديري
وعساك على القوه
واتمنى لك التوفيق يالغالي