العيد

البدع:علي السبيه=
.=
العيد مقبل وكلن لابسً له جديد=
واهل الضحايا شروها من سمان الجلب=
من اول العشر محدوده سكاكينهم=
عيد النحر موسمً فيه الشحم واللحم=
حتى الحدادي تعيّد من ورى عيدنا=
.=
.=
الرد:علي السبيه=
.=
نجد نضم المعاني والقوافي جديد=
والسوق للناس عامر والغرض ينجلب=
ياكم منازل خليّت من سكاكينهم=
والدمشقي لا انكسر ماضنتي يلّحم=
يبور في ايد الذي عاجز وراعي دنا=

الوالد والعم على السبيه صح السانك وبيض الله وجهك وكل عام وانتم بخير تمنيت ان ارد شعرا ولكن اعجز امام كلماتك وحرفك الرفيع والراقى احييك واتمنى لك الصحة والعافية

مدري ودك أحد يمشي معك على القارعه ولا لا على كل حال أنا ابحاول امشي معك على قد حالي بدعاً ورداً وأقبل الميسور وسر القارعه لاهنت

البـــــــــــــدع
يالله يارب تجعل كل الايام عيد
ونلتقي في مواسمنا مع من نحب
يازين الاحباب لاواتوا محبينهم
وأن كان ماعاد باقي غير ذبح الغنم
جبنا الذبايح وحدينا سكاكيننا

الـــــــــــــــــرد
ماريد اعيد الخبر وش فيدتي يوم اعيد
يازارع الحب لاتغتاض وتمن حب
وأصحاب الاسواق كالوا من محبينهم
أربهم يجمعون الفايده والغنم
يقفون في كل سكه من سكاكيننا

علي السبيه

بن سلمان


صحت قلوبكم والسنتكم والله يعطيكم الف عافيه

واسال الله ان يعيدنا رضاه ويديم علينا نعمة الامن والايمان

الله يوفقكم

البدع:علي السبيه=
.=
قتل الحسين اتهمو فيه الخوارج يزيد=
سبط النبي سيد الثقلين راعي النسب=
خذو هل السّنه كفّه من معادينهم=
من السنتهم ترى مابه صحابي سلم=
ودينهم يختلف ماهو مع ديننا=
.=
.=
الرد:علي السبيه=
.=
الرخص كيّالته ميزانهم مايزيد=
وانحن ترى نمدح اصحاب الوفا مانسب=
ماتسبقون الاوائل يامعادينهم=
والعالم اللي تلم الفضه والماس لم=
ماهم لنا باالخصوم ولا معاديننا=

المشاركة الأصلية كتبت بواسطة ليل الوعد

الوالد والعم على السبيه صح السانك وبيض الله وجهك وكل عام وانتم بخير تمنيت ان ارد شعرا ولكن اعجز امام كلماتك وحرفك الرفيع والراقى احييك واتمنى لك الصحة والعافية

.................................................. ...............................
مرورك الرائع يغني عن كل الاشعار ياليل الوعد واتشرف بك
وبمرورك الطيب واطرائك الجميل ويامليون مرحبا ياالنشمي
وكل عام وانت بخير

المشاركة الأصلية كتبت بواسطة مسفرالفضيلى

علي السبيه

بن سلمان


صحت قلوبكم والسنتكم والله يعطيكم الف عافيه

واسال الله ان يعيدنا رضاه ويديم علينا نعمة الامن والايمان

الله يوفقكم

.................................................. ...........
صح بدنك ياالفضيلي واشكرك على مرورك الكريم

الله يخارجنا ....

على السبيه ..... بن سلمان

مبدعين ومتألقين وقصائد رائعه جدا وفقكم الله ولكم تحياتي .

أشكر كل من شرفنا بمروره والله يعيننا على السبية

البـــــــــــــــدع
قريت وسمعت لي فتوى لشيخ العبيد
يفتل اشواربه ياحي لي ذالشنب
لم القبيله وجا يرطن على روسهم
يقول من زار مكه لايروح الحرم
يطوف بأسفل جياد ويستعي في منى

الـــــــــــــرد
سبحان رباً مصرف شان كل العبيد
واهل الوفى لابدوا مانبوا الاش نب
مايلحقونه سوى رمية ونار وسهم
ماتنعرف هرجته وش حلها والحرم
مره يجي فاليسار ومرةً فايمنا

المشاركة الأصلية كتبت بواسطة علي السبيَه

البدع:علي السبيه=
.=
قتل الحسين اتهمو فيه الخوارج يزيد=
سبط النبي سيد الثقلين راعي النسب=
خذو هل السّنه كفّه من معادينهم=
من السنتهم ترى مابه صحابي سلم=
ودينهم يختلف ماهو مع ديننا=
.=
.=
الرد:علي السبيه=
.=
الرخص كيّالته ميزانهم مايزيد=
وانحن ترى نمدح اصحاب الوفا مانسب=
ماتسبقون الاوائل يامعادينهم=
والعالم اللي تلم الفضه والماس لم=
ماهم لنا باالخصوم ولا معاديننا=

واصل ياعلي
تراني
من
جماهيرك
اليوم
ضد بن سلمان