يقولون حتى اجبال نيس ابتعدنا ...

السلام عليكم ورحمة الله وبركاته ....

اتمنى الرد من احد الاخوه الشعار دون تحديد في شخص معين ونمشي على هذي القارعه شوي ....



مادام انحن في صيفـيه
مالي عن ربعي صيفيه
آوصــفهم وصـيــفــيه
والرايه تبقى مرفـوعه

@@@@@@@@@@@

يقولون حتى اجبال نيس ابتعدنا
ولكني ادري عنـه ثابـت وراسي
ولكـنً شغـلن بالدركـتل وجـنزير
يخلي بساط الارض به مستويــه

عساك سالم اخي

صح لسانك لاهنت
يعطيك العافيه ع الابيات
تقبل مروري
ارق تحيه ,,,,

حياك الله ياشاعر المعنى وأسمح لي بمجاراتك ولو ان شكلي غثيتك شوي في كل مشاركة لكن تحملني طال عمرك وأذا ان ردي مايناسب لك الحق في الغاءه

الـــــــــــــــــرد

أشعارك ماهي عادية
عادتكم ياهل العادية
تحيون نموراً عادية
والراية..............
@@@@@@@@@
غلاكم بقلبي لو يكون أبتعدنا
ولي عندكم مقدار ياتاج راسي
ونقدر نجزر ديرة الخصم جنزير
لنا مستوى يغلب على مستويه

ياااااااااااامرحبا فيك يابن سلمان يعلم الله انك كفو وانك نعم وقدها وقدود طال عمرك

وردك في محله يلغالي وانا بصراحه الي لي الشرف في قصايدي معك ليست مجاره لك طال عمرك

وبعدين يعلم الله ماغثيتني الا اسعدتني بتواجدك معي


اهلا يلي صــوته بـانـي
آعـــده واحـد مخـواني
مابه شكن والا اخـواني
والرايه ..................

@@@@@@@@@@@



هلا مـرحبا مليـون بك وانـت منا
هـلا يـالذي مـاورد الـعـلـم قـاسي
بقلـبي لـبن سلــمان حبن وتقـدير
وهذي مواجيب الخوي في خـويه

اقتباس:
المشاركة الأصلية كتبت بواسطة امير القلوب
عساك سالم اخي


تسلم امير على المرور شكرا لك

اقتباس:
المشاركة الأصلية كتبت بواسطة همسة شوق
صح لسانك لاهنت
يعطيك العافيه ع الابيات
تقبل مروري
ارق تحيه ,,,,

معقوووووله شموسه هنا الف شكر على تواجدك والطله الحلوه

لا تحرمينا من تواجدك شكرا لك ...

شاعر المعنى

بن سلمان

بداية قارعة رائعة من شعار رائعين

تمنياتي لكم بالتوفيق الدائم

الـــــــــــــــــــــــــرد

تبقى بالمعروف أنساني
قلبي بوجودك ونساني
لابنساك ولاتنساني
والراية.........
@@@@@@@@
نحاول نساير وقتنا ونتمنا
وعيا يفصل ثوباً على مقاسي
الاقدار بيد الله حكماً وتقدير
ماتاجي بها الفزعات والنخويه

شاعر المعنى وابن سلمان شقور رائعه ومعاني جميله جدا وقارعه تجذب القارىء

لكم مني كل ود واحترام