لاشفت صدرك من كثر ضيقتك مل !!!

من قصائد الشاعر / محمد بن مريبد العازمي

لاشفت صدرك من كثر ضيقتك مل=
وقامت تراقص وسط راسك شياطين=
جهز جوازك والشناط وتسهل=
البخل مايمدح يدين البخيلين=
وأمش العصير وتبع الموتر الظل=
تطلع عليك الشمس في ديرة حسين=
نوخ ركابك عند ناس المتبل=
واطلب حميسه من مطيعآ فلسطين=
وعمان حطه في يسارك وكمل=
بس انتبه خطك ترى يسير خطين=
وإن جيت درعا لا تفيهم تبهذل=
عطهم وقل أنتم اجواد وكريمين=
وعلى يسارك سوق في مدخله زل=
لازم تمره لاتخليه بعدين=
تلقى لكيف الراس شيآ مشكل=
هذا أحمر وهذا اصفر وذاك لونين=
منهم تزهب بالزهاب المكمل=
لا تنقطع وتسير مثل المجانين=
وإذا دخلت الشام لك دربآ يدل=
دور على المدعو خل الظعيفين=
أظبط أمورك وأحلق وحط لك جل=
والبس وسيده لا يسارآ ولا يمين=
على طريق التل تل الخطا تل=
دور على جوآ يسر المحازين=
قدامك المجمول والكاس الأشعل=
وتبدا تشوف الناس حولك مساكين=
ترقا سما سما سما لين توصل=
يم الثرياء والقمر والميازين=
وعلى بلاط البست شيآ يهول=
ضباط هتلر يوم تقسيم برلين=
شقر البنات إلي له إيدينهآ دل=
عنق طول رقاب روس الشياهين=
هذي تلاعب شعرها وتمايل=
وهذي تناظر بك وتسألك من وين=
وهذي حكيها من شفاها تسايل=
ومن الغنج تحول الشين للسين=
أطلب لها الرشاش لا لاتبيخل=
رقصها دام العمر يومآ ويومين=
وأحرص على جو الخوي لا يتبدل=
خله على جوه وسيرو حبيبين=
وإليا سريت الصبح من طلعة التل=
مابين برزه والتجاره وتشرين=
سير لأم إحجاج مع الصبح منتل=
وعط العجوز شوي وأرض البزارين=
وخل الشفايا من شفايه تبتل=
وإليا حصلك زود زينآ على زين=
عطه وترى كل ما عطيته تجمل=
وإليا طلبك الألف زود له ألفين=
وفي شقتك لاجيت ريح وغسل=
وعقب العصير أشرب زهور البساتين=
وإليا سمعت الباب ينطقه أعجل=
أعجل ترى العاده يجنك مزايين=
أفتح لها البابين وقله تفظل=
وسكر له البابين كاشآ ماهو دين=
واحرص على المجمول أبو طرفآ أكحل=
والدفع قبل الرفع هذي قوانين=
وأليا وصلت لديرتك كبر وصل=
كل الخلايق بالذنوب متساوين=