علي السبيه *** نديم القوافي *** ابو صالح ((( والي قال ان عندي ساكتـون الخطالـه )))

البدع ابو صالح=
*=
يوم انا ادعي علي شاهد ومحظار خير=
وانا باثبت الحجه على مدعين=
واخذ الحق وافي لو بداكم حسود=
والي قال ان عندي ساكتون الخطاله=
ماتنكب لها كتفي ولا شلها=
*=
الرد ابو صالح=
*=
انا ماناضر الاول بمنضار اخير=
والهدف ننثره لو هو على مد . عين=
واعرف الي جبالأ جايره كمح سود=
واعتني للكفو الونعم واسوق الخطا . له=
يوم رجل الخطل رب العلا شلها=

البدع:علي السبيه=
.=
ما نخبر راعي القبسون ضلا مغير=
معجله يوم يشرد والعرب مليمين=
والا يورد على حوض المنايا ورود=
مابيقوى ليوم المعركه واقتتاله=
ولا تبرّعه قبسونه ومنقالها=
.=
.=
الرد:علي السبيه=
.=
انتبه يا مسيّر عوّد العلم غير=
والحذر في طريقك واتّجه لليمين=
قبلك الدرب شايك مافرش باالورود=
والوله ما يطمّن خاطرك وقت تاله=
كلمة الصدق برّت كل من قالها=

الله الله صح لسانك يا ابو صالح .. ويا بخت من يحتك في شرواك ويتحاور معه ..

تقبل مجارتي لك .. وما نستغني عن توجيهاتك الكريمه انت والاخوان .. ويا ليت نبدا قارعه ودكتور الشعر عليالسبيه يرد علي وعليك

بدع : نديم القوافي=
***********=
انت مثلك يلقب عندنا بالمدير=
مير حجتك زهبها معا شاهدين=
يوم يزهم لنا القاضي ويبدا نشود=
يا علي رح لبو صالح وقله وساله=
كم مطبات قد هبها وانازلها=
=======================
=======================
الرد نديم القوافي=
*************=
حي سيل(ن) يجيب العثري بالمدير=
اغتنى منه حتى الي شرا شاه دين=
والبدو في مراتع خيرنا جو نشود=
ما بقى فيه وادي غير والخير ساله=
والمرابيع كم مقبل ونازلهااااا=

يالله حيهم وانا فداهم وصحت السنتهم

ابو طلال ونديم القوافي

والله ينصرني فانه قدير بصير

البدع ابو صالح=
*=
والله ان عاش راسي للنهار المطير=
انك ياثوري الباير مدى موسمين=
غاربك ماحمل ضمداً وماجر عود=
لاهبك عبرة(ن) قدام قوم الرجاله=
لين اثني كراعينك عناداً لها=
*=
الرد ابو صالح=
*=
منت صقر(ن) على الهدات يقوى المطير=
والا حتى بعير(ن) نوسمه موسمين=
حين ماجا البروق وحين ماجا الرعود=
لا لقيت النشاما ثايره مر جاله=
دم روحك وعن درب العنا دلها =

فداك اللاش ياابوصالح وانا اللي الله يخارجني منك ومن ونديم القوافي

البدع:علي السبيه=
.=
اعرف الفرق ما بين البحر والغدير=
البحر هول مايه يذهل الشارعين=
بين جزرً و مد وبين فوجً وهود=
البحور ابتدمّر جال وتهد جاله=
تغرق اليابسه لو فاض موجً لها=
.=
.=
الرد:علي السبيه=
.=
الشريعه تجازي اهل الخطا والغدير=
والمسايل يثبّتها لنا الشارعين=
خذ مواعظ وخذ لك عبره من قوم هود=
كم نصحهم نبي الله وانهى الدجاله=
والنهايه العذاب اديارهم جلّها=

انا لله انا لله انا لله ..
أسمحولي بتالمداحشه قصدي المداخله .. أن الله يهولكم في تالقصايد .. واصلوا واصلوا والله أني مسنتر هنيه أتابع الإبداع والتميز ولا عد باقول حرفن واحد ..

بين جزرً و مد وبيـن فـوجً وهـود

الاخ الشاعر السبيه كلمة فوج المجموعه

كلمة مد قابلتها بالجزر مضاد
وكلمة فوج وهي مجموعه قابلتها بكلمة هود

وهذه الكلمه لها اكثر من معنى ومعانيها
الهودُ/ التوبة
هودَ/ بفتح الدال تحول الى يهودي
وهود/ الرجل اذا سكن
وهود/ اذا اعتمد على السير وانشد
والهوادة/ اللين

امل من الشاعر علي التوضيح حول هذه الكلمة
ماذا اراد بها

والنهايـه العـذاب اديارهـم جلّهـا
ايضا في هذا البيت كلمة جلها
المعنى /نزعها
وعذاب قوم هود الريح ولم يكن بنزع ديارهم
امل ان يكون صدرك واسع حول ما ذكرت



__________________

يا ساتر يا ساتر من ابو صالح وعلي .. ليتنى قعدت فوق الصفى بالزمريقه ازمرق لكم ولا انتزيت في النهر الجارف

بدع : نديم القوافي=
الله مكبر عمامه فوق راس البشير=
مير بنضايقه ويصير بلهامشين=
لا يكثر دعاوي لا يكثر وعود=
الهزايم بعد تحداه والشنق فاله=
القلوب التعيبه حن دوا علها=
===============
الرد نديم القوافي=
ما بتفرح بفوز ولا خبر مالبشير=
الهام(ن) زين لا تخلطه بالهام شين=
الكفن قد هبينا فيه مسك(ن)وعود=
مات شايب رباع بجلطة(ن)فوق فاله=
كثرة الزاد ما ضن به دواعلها=

ابو صالح

علي السبيه

نديم القوااافي


صحت السنتكم وقلوبكم والله يعطيكم الف عافيه يا النشاما

اجتماع الاحبه من علامات صفى الوقت ونهاية الحروب البارده

من يتابع المحاوره يعتبر نفسه في مدارس شعريه يستفيد ويتعلم منكم الله يسعدكم

الله يوفقكم

عبدالله الكناني

هاوي الشعر

مسفر الفضيلي

تواجد نشاما امثالكم يثري اي محاوره ويدفع اي شاعر للحماس .. الله الله ان شفتم ابو صالح طنقر علموني اهب طرف ثوبي في ثمي وانحاش