يوم نادى المنادي قلت يالله علـى بـاب الكريـم

اخواني الاعزاء

اسمحوا لي ان اشكر شاعرنا المبدع والخلوق الاستاذ علي السبيه .. والذي له احترام عندي كبير على هذا الرد الوافي والذي شرفني به كرد على بدعي .. واتمنى ان نكون قدمنا لكم قصيده تحوز على رضاكم واستحسانكم ... ولكم التقدير والاحترام من اخوكم البرق اللامع

*=
البدع: البرق اللامع=
*=
يوم نادى المنادي قلت يالله علـى بـاب الكريـم =
واشرقت شمسنا والكل يرقب على حالـه ومالـه =
وابتدت كـل نفسـا تطـرد ارزاقهـا واعمالهـا =
الموظف على كرسي ومن راجعه بيقـول بكـره =
والتاجر يرقب الوارد ومـا بـاع بـه والفائـده =
والطيور الغوادي بين غصن الشجر وان لان عوده =
والوحوش الضواري بين صيد الهدف والصيد فات =
والزواحف على ماقيل مابين ظل وبيـن صخـره =
والريـاح العتيـه تنقـل ارمالـهـا وترابـهـا =
والمزون المخيله تسقى ارضا تراقب قطر ماهـا =
والبحور احتوت من عاش في جوفها مع لولهـا =
هذي قصة نهارا يشبه اليـوم والا كنـه امسـي =
راح مابين عطني كم وانا اعطيـك والباقـي لنـا =
اصبح الصبح وامسينا وحنا مع رايـح وسـارح =
والعيون الشقيه مـن شقـى يومهـا متناومـات =
وانت ياقلب ياللي في سباتك ورى احلام اليقاظـا =
وش يفيدك نغمـض عيـن والا نـدارج نونهـا =
*=
الــرد:عـــلـــي الــســبــيـــه =
*=.
الضيافه لها عنوان يبقـى علـى بـاب الكريـم =
والبخيل انبذه والجود من منزلـه حالـه ومالـه =
وآهل المدح يبقى الجود مـن فعلهـا واعمالهـا =
ان نشدت البخيل عن الكرم والندى بيقول بكـره =
والكريم الكرم من مذهبـه والنـدى ولفـا يـده =
وانحن ياليت من وادي الضماء لا نمر ولا نعوده =
والمقاديـر ماتوعـد ولكـن تجينـا صيدفـات =
من يصخّره ربي ينعرف فاالبشر ويبين صخـره =
لا تتوه الدروب والعين تبصر بهـا وتـرى بهـا =
ما تمدّح باالامثال الذي ماالعـرب ماقـط رماهـا =
والابدان السقيمه عاش فـي جوفهـا معلولهـا =
كل قلب(ن) يشيل احساس في داخله ويكن همسي =
والزمن يسرق الاعمار كـم وقتنـا باقـي لنـا =
قد غدى هاجس الافكار في دنيته رايح وسـارح =
لو يطول العمر يامن يمادي الامل متنـا ومـات =
حاسبتنا السنين الجاريه والزمـن ياكـم يقاضـا =
والمجانين قلي كيـف نقـدر نـداري اجنونهـا =

البرق اللأمع:بدع محكوم وإبداع من شاعر غير عادي..

علي السبيه:رد وافي من شاعر وافي

... تقبلوا مروري وتحياتي وتقديري

...

البرق الامع ..علي السبيه

صحت السنتكم وقلوبكم يالنشاما

كلام ينعد وينقال بدع ورد بيض الله وجوهكم

البرق اللامع عسى الله يوفقك ..ابوطلال والله انك ونعم قمه في الابداع
صحت ابدانكم ياشعار والله انكم ماقصرتو ماشاء الله تبارك الله .....عوافي

البرق الامع ..علي السبيه

صحت السنتكم وقلوبكم يالنشاما

كلام ينعد وينقال بدع ورد بيض الله وجوهكم

البرق الامع ..علي السبيه

صحت السنتكم وقلوبكم يالنشاما

كلام ينعد وينقال بدع ورد بيض الله وجوهكم

البرق اللامع صح لسانك ياخيه على هذه الروعة والصور الابداعية
قصيدة رائعة بكل المعاني


اصبح الصبح وامسينا وحنا مـع رايـح وسـارح

والعيون الشقيه مـن شقـى يومهـا متناومـات

وانت ياقلب ياللي في سباتك ورى احـلام اليقاظـا

وش يفيـدك نغمـض عيـن والا نـدارج نونهـا



أبو طلال صح لسانك ابدعت في هذا الردود بطريقة تدعو الى الاعجاب
انت مبدع كما أنت وشاعر من الطراز الاول


قد غدى هاجس الافكار في دنيته رايـح وسـارح

لو يطول العمر يامن يمادي الامـل متنـا ومـات

حاسبتنا السنين الجاريـه والزمـن ياكـم يقاضـا

والمجانين قلـي كيـف نقـدر نـداري اجنونهـا

تشرفت بمجاراتك ياالبرق اللامع وانت تعتبر مدرسه للشعر ومجرد اقتران اسمي
مع اسمك في قصيده اعتبره شرف كبير لي وتاج على راسي وشكري وتقديري
لكل من مر على هذه الصفحه كلن باأسمه

البرق الامع ..علي السبيه

صحت السنتكم وقلوبكم يالنشاما

كلام ينعد وينقال بدع ورد قمه في الروعه بيض الله وجوهكم