شاعر حضر زواج حبيبته وخاطب زوج حبيبته بشعــر

شوفو هذا الشاعر جا وحضر زواج حبيبته
طبعا هو يخاطب بهذي القصيدة زوج حبيبته شوفو وش قال :

أبد .. ما جيت ابارك ولكن جيـت باوصّيـك
على اللي ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي

صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي
وبس..
والله انه كسر خاطري
بس ابي اعرف وشو ردت فعل العريس؟؟

شوق الجنوب : موفق بإذن الله ... لك مني أجمل تحية .

؟؟؟؟؟لاتعليق

الف شكر لمن علق ع الموضوع..

الله يعلم وش كان رد العريس لو انا محله بعد ما قال هذه القصيده
تنازلت عن العروس وقدمتها لها ومعها باقة ورد
شكرا جزيلا ياشوق الجنوب

ههههههههه..
مشكور اخوي علي السبيه على التعليق

والله ابياته قووووويه
داله على مقدار حبه لها
لكن النصيب عمره مايخيب
والقدر مثل لمح البصر

ابيات غايه في الجمال


دمت بود

الله يعطيك العافيه ع النقل المميز

دمت بود

تقبل مروري

مشكورة ملكة القلوب على مرورك وتعليقك,,

يااااااااااااااااااااااااااااااااااااااااااااااااا اااااااااااااااااااااالله
الله لا يفرق بين قلبين الله لا يفرق بين قلبين
ولايحرم محبوب من حبيبه
يالله
اثرت فيني ونزلت دمعي من جد
حياااااااااة تقهر
عاد لو العريس ولد اجواد يترك البنت ويخليها لحميهاااااااااا
ويفهم انه الحب مو بيع وشرا
ولا يقهر قلوب المحبين
وتسلم لا عدمنااااااااااك

سلمت يداك على النقل
يعطيك العافيه وتقبل مروري
وخالص شكر