!! ..... الـزعــل مـرفــوع ..... !!

ربـمـا تكـون أخـر قصيـده أشـارك بها في هذا الصرح الراقـي

أتمنـى أن تحـوز على رضاكم واستحسـانكـم


أتركهـا تقـدّم نفسهـا لكـم





سمعتك قبل هالمره تقول إن الزعل مـرفـوع
عـلامـك كنّي أشوفك تحـاول تبتعـد عـنـّي




وش الممنوع علمني ؟ مدامك تعشق الممنوع
تبيني أكتب جروحي على الصفحات وأغنّي




تبيني أسكت لظلمك وأقول لغلطتك مسموع
غريبـه كـن قبل شوي ما خيبت لي ظـنّـي




أنا اللي لا فزع قلبك أصير فداخلي مفزوع
وأنا اللي لا عنت رجلك كأني صرت متعنّي




وأنا اللي لو تبيني ( ماء ) أجيلك يا الغلا ( ينبوع )
عيـونك لو تبيني أحلف وأنا ظميـان يسقـنّـي




وأنا اللي ما قوى يصبر على فرقاك لو اسبوع
تحـركني على كيفـك وأنا بالحـيـل متهـنّـي




تجافيني وتهجرني وأصبّـر قلبي المفجـوع
وأحاول أخفي الدمعه عليك ولو ضحك سنّي




وإذا ذنبي جعلت اسمك على كف الحشا مطبوع
ذنـوبي هي عيـوبي لـو أتـوب أكيـد يشقـنّـي




تحسب إني وأنا أجيلك من اجذوع الشجر مقطوع
أنا وإن كنت ما تـدري ترى جذور الشجـر مـنّـي




وإذا كان الزعل مزحه طلبتك قفـّـل المـوضـوع
ترى بعض المـزوح جـروح بالخفّـاق يكـونّي





وســلامــة نـواظـركـم لاخــلا ولاعــدم...





ملاحظـه : ( القصـيده مقـدمه لأحد أعضاء هذا المنتدى بدون ذكر اسمـه )





أخــــوووكــم,,,

عاشق رباع

اللي فات مات اتمنى ان نستفيد جميعاً من اخطائنا السابقة وتكون مشاركاتنا مفيدة

قصيدة رائعه تشكر عليها وفقك الله

أنا اللي لا فزع قلبك أصير فداخلي مفزوع
وأنا اللي لا عنت رجلك كأني صرت متعنّي

قصيدة ولا اروع لا عدمناك

ابو خالد
اشكرك على الاطراء الذي لااستحقه

واشكرك على مرورك الجميل وتعليقك الرائع

يكفيني تواجدك في صفحتي

فأنت الشروق إن ساد الغمام بين سطوري

لك أرق التحااايا وأعذبها وممتن لك

أخي أبوخالد لتعطيرك متصفحي بعبير أناملك

واعذرني على تقصير في الرد لان كلماتك اخجلتني

عاشق رباع

اخي/ صقر الجنوب

قلمك المتمكّن يسحرمن يراه
فـ أنت لديك طابع خاص في الكتابة
يلفت نظري دائماً .. لا أستطيع أن أو صفه
لأنني مهما نثرت له من الحروف
لن أوفيه حقه
دمت لنا مبدع
أخوك عاشق رباع