أنا مارقدت ياسبيه من أمس وحبيت أطفّشك بكلمتين والله أرشدك

البدع:إبن الجنوب=
*=
ياعلي ربعي وربعك هدّدونا باشهب البارود=
كنّ مافي المملكه حاكم يردّ العالم الضلامه=
عوّدنا في جاهليه بين مقتولن وقاتلي=
نروي المزرع وياجي غيرنا يحكم على محصوله=
كن ماعد لي ولك في المنطقه طاري ولا وجود=
علّمناهم للرمايه لين ساروا يأخذون الشّاره=
ورمونا جعل ربي مايقوم حظ من رما=
والله لولا حشمة اللي له مقام وعندنا له قدره=
إني لترشّح وكيل لمنطقتنا وانت أميرها=

صح لسانك يابن الجنوب ..الله يخشعك انت والسبيه ماحد يقدر عليكم

ننتظر السبيه ليضيف ابداع آخر عسى الله يوفقكم

والله انك ونعم يالمشدق وانك كفوا انت والسبيه

صح لسانك ملايين والله يجمل حالك ويعطيك العافية

تقبل مروري واعجابي

إبداع رائع ...صح لسانك يابن الجنوب والله يهدّي بالك وترقد الليله على خير ....

الله الله
يا بن الجنوب صحت لسانك

يشرفني مجاراتك يا معلم وصح لسانك ملايين

الرد:علي السبيه=
.=
قل وطل وانا رفيقك والمكان اللي ترد بارود=
لا يغرّك لا لمع ضي الشُّهب باللّيله الضّلامه=
لو بغيت اوص اليماني جاب لي شمّه وقات لي=
ما لمحنا للخيول العاجزه جوله ولا المح صوله=
وانا وانته ما قلطنا الا على ضيفة كرم و جود=
واللي يشّر باالعمامه ما فهمنا غايته والشاره=
شرّف الله بير زمزم ماغدى صادي ومرّ ما=
والله ما يصعب علينا علم كايد عندنا له قدره=
ونخيل البصره وين القى رطبها ون تميرها=

هههههههههههه طيب طيب يا شيخ .. يا اخي شكل امريكا ما فيها رز يجيب التخمه للقريحه ..عيني عليك بارده

وصح لسانك ولسان ابو طلال ..

ايووووووووووووه صح لسانك

انت ذكرتني برجال اعرفه كان ماحد يقدر يلتفت لا مر من عند بلاده

ويوم غدى شيبه تهددو عرقها الناس وخذوها ملاعب للكوره

لكن ماعليهم شرهه الشيبه خرف وصار ما يدري وينهي ملقيه

صح لسانك يابو طلال
0

تبغي الصراحة أحكموا وتسبلوا محل ما تروحون...

وان بغيتم سكرتيرحاضر حتى لوكان مراسل

صحت الالسن والابدان

موفقين