هجر الملذّات

مما ورد في الاثر لبن ادمي مانوى=وكل الاعمال بين العفو والا والعقاب
لا افنيت حالي ومالي في سبيل الهوى=وش اعتذر به من الله في نهار الحساب
يارب يارب تهدي قلبي اللي غوى=وغرّه ابليس والدنيا وزهو الشباب
لا فاتني الفوت وانهدت جميع القوى=ماعد يفيد التحسّف والندم والعتاب
اعمارنا تنطوب مثل السّجل لا انطوى=والموت سيفه بعد يحصد جميع الرقاب
والجنه والنار يوم البعث ماهي سوى=يفوز منهو يزحزح عن لهيب العذاب
والخاسر اللي بنيران السعير انكوى=بئس المصير الذي يدخل جهنم وخاب
آجرّ صوتي كما ذيب الخلا لا عوى=ماعد يهنا لقلبي زاد والا شراب
وآون كن الجمر مضروم وسط الجوى=يابخت من فاد عمره قبل موته وتاب
يبقى الهدى والتّقا طوق النجاة والدوى=وهجر الملذّات والغرّات عين الصواب