قارعة مبتدئ؟!

السلام عليكم... أبغى شاعر من شعار المنتدى الكرام يرد، ويستمر معي في قارعة خفيفة، ويحكم بعد ذلك، وضروري يذكر لي الملاحظات ويصوبني، لأني مبتدئ لم أسجل هنا إلا لأتعلّم وأستفيد والله يفقكم:


البدع
الاوله ذكر ربي والصلاه والسلام
على النبي احمد الهادي شفيع الحشر
الليلة ياحضرة الشعار بدع القصيد
احلى من الشهد وين اللي بيلعق منه

صح لسانك العاصف وانا بارد عليك والى ما اعجبك الرد احذفه

الرد:علي السبيه=
.=
حياك في منتدى رائع به الناس لام=
لاحت بروق العوافي منه ما لاح شر=
يامرحبا مرحبا في وجهتك والقصيد=
تقمّن الخير لك في كل ولع اقمنه=

سلمت يا شاعرنا الكبير على هذا الرد الرائع
ومثلي يقيمه الشعار ـ مثلك ـ، ولا يقيم هو الشعار
ولو شاركت بدون رد لشرفتني، فكيف إذا رديت؟!
استلم لاهنت:

البدع
بقيت يا شاعرًا قوله يزيل السّقام
يقدّر الضيف والخطار واللي حضر
ياخي علي عن طريق المكرمة لا تحيد
خلك من اهل الفتن والشر والعلمنه

وينك يا أستاذ علي الله يرحم والديك
لك الله اني كل يوم انتظر
والظاهر انك خارج التغطية
وإذا أردت مني التوقف فابشر
والا فتراني باواصل؛ لأني أريد تقييمك ونقدك أنت وإخواني الشعار بعد ذلك
*

أخي العاصف الله يحييك تراحيب الغلا وصح لسانك الموهبة موجودة واصل حفظك الله

أستاذنا وشاعرنا الكبير أبو طلال
صح لسانك وبيض الله وجهك دائما متواضع ودائما تشجع المواهب

ماعليش والله اني دوبي دخلت الصفحه واعتذر عن التاخير يالعاصف
وخذني من قيس المعرفه واعذرني على القصور واشكرك ياابو احمد
على كلامك الطيب وكلنا واحد نفيد ونستفيد من بعض

الرد:علي السبيه=
.=
الكفو ماله حياد ان قامو الناس قام=
امداحنا وافيه بين البدو والحضر=
ما دمت ترقى سنود وطفت صخره وحيد=
تصبح معلم تدير الشرح والعلمنه=

مثلك والله يُعذر يا أبا طلال
وأنا من يعتذر لأني أعرف بأني اشغلتك عما هو أهم، والله يعينك على قصايد المبتدئين أمثالي، لأنها خاليه من التمهيد والفرش اللي يزيد من حلاوة القصايد...
لكن الله يصبرك عليه
واشكر الأخ الفاضل صقر الجنوب على تشريفه لنا ودعمه وتشجيعه، ويكفيه شرفًا تأسيسه لمنتدى رباع الغني عن التعريف...
وخذ هذا البدع يا أبا طلال وبعدها أريد النقد وليس فقط التقييم لهذه المحاورة، منك ومن بقية الشعار، لأني أريد أن أتعلم وأصحح أخطائي، والله يوفقكم:

البدع
أهل البلاجيك ماعد يتقنون المرام
في واحده هم يصيبون الهدف من عشر
رز الهدف يا علي رزه وخلّه بعيد
وهات لي صنعة البلجيك وابصر عنه

حياك الله يالعاصف وياهلا وسهلا وصح لسانك على إبداعك الرائع ....موفق بإذن الله ... لك مني أجمل تحية .

وصح لسان معلمنا الشاعر العملاق علي السبيه ....

أخي العاصف صح لسانك وموفق بإذن الله...