%%% (( كيف يبدي في رُبـــاع ؟؟؟؟..........)) %%%

البدع=
*
يالله إنّي سدّ وجهك .. ضيّع الطالب نهجّ إدروس=
والذي يقدر يسوس الخيل عوّد مغترب ومندّم=
والذي عنده مزاين ..هدّر أمواله علي هجن=
واللي راعي بالغنم جاه المرض ، والعافيه منك أبره=
والعسل وشّع عليه الذرّ لين أعضى مناحله=
ليش ياطير السعد ترغب في الهجره وبيتنوا حد=
وإنت فوق الغصن قضّيت الحياه وفالعش أرتبيوت=
وأنا من صفّ البشر .. لو حدّني هذا الزمن حدّاني=
ياتعذّرت إبعذر .. ياطحت طيحة شرّ .. ياهبّيت=
وين هو من يفهم المعنى .. وأحثّ القافله وأبتلّه=
مالقيت الا الحدود المرهفه وأصطايقولها=
***
الرد=
*
الزيادي قال عند المعرفه نقدر نهجّد روس=
والقصيد إن كان مايخرج بقطعه ماللحم ومن الدم=
والا ماأعُدّه قصيد .. ولاتساعدني عليه جن=
والذي شاعر لو إنّ الثوب ماعد ياسعه من كُبره=
مايموت الا كما عرجون أثبْ وعظام ناحله=
مره أقعد ميّمه مالوقت مادوّنت بيتٌ واحد=
وأمرار أكتب في إرتداد الطرف والغمضه عشرة بيوت=
وأمرار ألقى لي غشيم ويفرض إسلوبه ويتحداني=
وأمرار ألقى شاعرٌ عملاق مايبدع وياهب بيت=
واللي ماعنده من الأبيات غير ( أقطع وكُل وأبتلّه )=
كيف يبدي في رباع .. وكيف له يسطا يقولها؟؟=
***

صح لسانك يالمبدع مبدع على اسمك تقبل مروري واحترامي

صح لسانك داائما متألق كالعادة تحياتي لك

دائما متالق لا عدم مافيك حيله على قولت حمد السعيد

وافي يامحمد يازيادي وانا اشهد شهادة لله بأنك من اعظم الشعراء الذين يقولون فيبدعون ويمدحون فيجملون

واللي ماعنده من الأبيات غير ( أقطع وكُـل وأبتلّـه )

كيف يبدي في رباع .. وكيـف لـه يسطـا يقولهـا؟؟

اشهد لله انك مبدع وتستحق لقب الابداع بكل جداره وصح لسانك لين ترضى ياالمبدع

صح لسانك اخي المبدع
كلمات رائعة تستحق الأشادة
تقبل مروري وسلامي
ولك مني كل الود
آمير الكونــ

صح لسانك مبدع يالزيادي

بدع ورد في غاية الروعه مبنى ومعنى ....

صح لسانك يالمبدع على هذا الإبداع الغير مستغرب منك ...

صح لسانك والله يعطيك العافيه