لا والله الا خذيتي القلب يا ( سارة ) !!!

لا والله الا خذيتي القلب يا سارة
وانا من اول خلي البال مرتاح ِ
.
القلب لو مايحبك وشهي اعذاره
والله ما عاد يسمع بك ولا ياحي
.
نوى خفوقي يكمل معْك مشواره
حتى ولو كان حبك طعن وجراح ِ
.
قلبي ليا صرّ مايرجع عن اصراره
ويطير لاجل الغلا لو ماله جناح ِ
.
رغم ان قلبي بحبك تصطلي ناره
مازال صابرْ بسد الحب ماباح ِ
.
الحب يا اهل الهوى يالعنبو داره
راحت حياة المحب دموع ونياح ِ
.
القلب ياكثر مايخفي من اسراره
يرجي ليوم الفرج ولا بعد لاح ِ
.
لاوجاع تستهدفه غارة ورى غارة
حتى غدا الهم له طاغي ومجتاح ِ
.
الشاهد الله بجوفي مثل سنـّارة
تنزع معاليق جوفي نزع ذبّاح ِ
.
ياليت لوترحمين الحال يا سارة
وتجاوبين الذي ماهوب مرتاح ِ !
. . .
. .
.
شعر /
راجي الوصل

اعجبتني كلمة ( هاوي شعر ) تحت اسمي وتوي انتبه لها
وعقبال ما احترف على ايديكم واتعلم

صح لسانك وبدنك على القصيدة الرائعة
وابشر نغير لقبك الى شاعر وانت تستاهل

قصيده ممتازه وأنت شاعر أخي الكريم
والأستاذ صقر الجنوب سباق للدعم وينزل الناس منازلهم لله دره
تقبل مروري وسلامي
ولك مني خالص الود
آمير الكونــ

واااااااااااو جونااااانهيك والا بلا

وربي انخضيت فكرتك تقصدني لما قريت اسم

سااااااره غمززززة رووووووعه

الله يعطيك العافيه
قصائد الأخ راجي جميله جداً وانا من زمان
أتابع أشعاره وتعجبني

الله عليك يا راجي الوصل مبدع كاالعاده وصح لسانك ملايين