عيوني انتي البسمه

قصيدي جاك بانغامه كتب باسمك وهو طربان =ومن يكتب قصيده فيك ينام ابليلته مرتاح
عيوني انتي البسمه الا سار القدر زعلان=عيوني انتي الضحكه بدنيا ما بها افراح
وورد الكون في حسنه من اخدودك خذ الالوان= وفي عينك بحر هايم جمال الكون به سواح
يذوب الشهد بشفاتك ويتلاشى وهو عطشان=وريقك بالحلا زايد يفوق السكر الا ساح
وصوتك يطرب السامع وهمساتك نغم والحان=سحرت الناس بعيونك ويبهر نورك الوضاح
الا سلهمت بعيونك رموشك غطت الاوجان=سهوم الموت نظراتك قتلت الهمس يا سفاح
حظنت ابداخلك انثى حنان الكون فيها الوان=نعومتها طبيعيه انوثتها طغت يا صاح
لو البسمه لها خيره وقالوا اختاري الانسان=بلا تفكير او حيره تقول انتي بدون اسلاح
ولك هيبه من المولى لها يخضع ملوك الجان=ثقل ما هوب متصنع ومن يثقل ابد ما طاح
سعيد الحظ من قلبك غدا في قلبه الاوطان=قليل الحظ مثل الي كتم حبك ولا به باح
سنين العمر تتلاحق وهو في قصته حيران=بقلبه يكتم اشواقه وناسى ان النظر فضاح

الهمس
الله الله الله
صح لسانك واعتلا شانك ابيات صيغت بمهاره موفق يالغالي تقبل ودي واحترامي

الهمس
وحضور مميز كالعاده شاعر مبدع وجزل

لله درك على هذه المعزوفه الراااائعه

صح لساااانك واعتلى شانك

وكل عام وانت بخير

تحياااتي

الله الله يالهمس

مبدع كعادتك

ميه ميــــه

الهمس
صح لسانك ابيات قمة الجمال والعذوبه
سلمت يداك تقبل مروري مع اطيب التحايا