بـــدع ينتظر ردك يا جار الله

جارالله تقبل مني ذا البدع في تالقصيده اللي تعرج وان كان مالك شف في ردودها ازقبها من اعلى الوادي :-

قال هاني الفراسه ما تخون اللي بها فراس

تخدمه بين البشر وتزيد حظه لا قدم بقدامه

راسه دايم يوصل العليا ولا هو مثل راسً مال

مابيمشي غير للونعم ولا يمشي في التحويشه

يحكم افعاله ولا تلقى فعولن غير راتبــه

من جلس وياه مالعربان يوعي لا حكى واعيى له

ما بيخرج لين يبعث فيه قدرن جاء لمنزله

المناصب هي تنصب له وعلمه دايم(ن) نصابي

اليقين اللي معه ما ظنتي قد وقعه شيكات

قلب ينبض بالمعارف قلب قد حرك شجون افوائد

والخطل لا مر عنده قام بالمعروف سدده

المشاركة الأصلية كتبت بواسطة الحـسني

جارالله تقبل مني ذا البدع في تالقصيده اللي تعرج وان كان مالك شف في ردودها ازقبها من اعلى الوادي :-

قال هاني الفراسه ما تخون اللي بها فراس

تخدمه بين البشر وتزيد حظه لا قدم بقدامه

راسه دايم يوصل العليا ولا هو مثل راسً مال

مابيمشي غير للونعم ولا يمشي في التحويشه

يحكم افعاله ولا تلقى فعولن غير راتبــه

من جلس وياه مالعربان يوعي لا حكى واعيى له

ما بيخرج لين يبعث فيه قدرن جاء لمنزله

المناصب هي تنصب له وعلمه دايم(ن) نصابي

اليقين اللي معه ما ظنتي قد وقعه شيكات

قلب ينبض بالمعارف قلب قد حرك شجون افوائد

والخطل لا مر عنده قام بالمعروف سدده

صح لسانك يالحسني على التوجيه الجيد واقبل الرد الملشلش
-----------------------------------------------------------------

انا جارالله بن خامس ماخلقني الرب بلف راس=
طيب الخاطر ويمضي في دروبن واسعه بقدامه=
مامعه غير الموده مامعه تجره وراس مال=
والله انا مافكرنا جمعة الميلان والتحويشه=
لين هذا اليوم ماعنده يكن موتر وراتبه=
ثاقب النظره ويبغى خير لاهل الفايده واعياله=
مايلف ولا يدور ومن مطاليبه لمنزله=
الحذر كل الحذر من راعي التدجيل والنصابي=
راعي النصبات مايقدر يحوف يوقعه شيكات=
الله مبعدنا عن البنك الذي يعمل يحط افوايد=
الذي متوهقن لااعد يقل ماني مسدده=

بيض الله وجهك يا جار الله عز الله ان رد وافي ولو ان البيت الاول عندي فيه ملاحظه ممكن تكون غير مقصوده

انا جار الله بن خامس ما خلقني الرب بالف راس البن هنا زائده

انا جار الله خامس ما خلقني الرب بالف راس البيت كذا موزون


هاذي وجهة نظري يا جارالله ولا دخلنا الا للفائده تقبل تحياتي وانت شاعر كبير ونتشرف طال عمرك بمحاورتك وردودك

الله يعطيك الف عافيه ولكن ترى انا اكتب القصيده على الطرق اللي اغني به ولو حذفت بن صار هناك كسر في الطرق تقدر توصلي وتسمعها بالصوت وتعرف بنفسك وين الخطا ... موفق

اول شي اشكرك يابن جار الله على التعليق
وثاني شي اختلاف الراي لا يفسد في الود قضيه
وثالث شي والشاهد الله انا من طلابك ولا لنا باع في الانتقادات لكن نحن الا متذوقين للشعر ولنا بعض المحاولات الشعريه اشكرك على توضيحك

صراحة بدع موجه من الحسني وصح لسانك ملايين يالحسني

ورد ولا اجمل


لو قيلت هذه القصيدة في عرضه كان لها نكهة اكثر جاذبية


جاراالله صح لسانك يامتواضع يارائع

لا عدمناك اخي الساهر اشكرك على اطراءك وابو محمد والله انه كفو بها او بغيرها

ولي الشرف ان يرد عليه في قصيده

الحسني صح لسانك ملايين
جار الله الخامس مافيك حيله وصح لسانك لين تتفلق الصفيان بس ياخي البيت الاول كيف قلت به ابا يسير معي الشيطان ههههه الله يهولك
اما صوتياً يختلف والا البيت فيه لفة سكني والا انا مدروخ ههههه

بيض الله وجوهكم

بدع ورد إبداع ولكم أجمل تحيه وتقدير.

[table1="width:70%;background-image:url('http://www.ruba3.com/vb/mwaextraedit2/backgrounds/97.gif');border:10px ridge blue;"]