ماهو بكيفي

ماهو بكيفي يوم القلب سلم لك عنانه........ولا بكيفي يوم تصد وتقطع الاتصال واليوم قلبي لوحكى ابقطع له لسانه.......واتجبر وأغيب مثلك ولا ارجي وصال
بصد واسوق القدم لو الخطوه جبانه......محزمي عزه النفس والكرامه لي عقال ولو ذكرتك يوم بطلب من الله الاعانه.......قادر انه يسعد المشتقي ويبدل الاحوال ونزف روحي جرح يبرأ لوعلم مكانه......شمس غابت بكره تشرق وتجدد الامال*

هذي بعد التعديل يالغالي =
طيري غدى =
*****=
مو بكيفي يوم قلبي يسلم لك عنانه =
ولا بكيفي يوم تبعد وانا ارجيك الوصال=
انا لاشفتك تدور على درب الخيانه =
احتمال اسج وابعد ماهو باي احتمال=
واخلف امسار المحبه لو الخطوه جبانه=
انا عندي عزة النفس تبقى لي عقال =
لو ذكرتك يوم باأطلب من الله الاعانه =
خالق الدنيا ومنشي السحابه والجبال=
نزف روحي جرح يبرا ولايبقى مكانه=
شمس غابت بكره تشرق ولله الكمال =
*=

بدايه موفقه ولو ان بعض الابيات ماهي موزونه لكن مع الاستمرار بأذن الله يتعدل مستواك الى الافضل موفق يالغالي

اخي الكريم يسعدني ويشرفني مرورك وياريت توضح وين الخلل الوزني على شان اقدر استفيد

من عيوني يالغالي لكن الحين عيوني تفقعت من النوم ههههه
لكن ابشر باكر احاول اعدل لك الابيات اما الحين لوكان تعطيني
ثلاث اريال ماعدلت لك تحيــــــــــــــــة
دعابه بسيطه موفق يالغالي

ابو رنيم تسلم عيونك يا الغالي ودراهم ما ميش روح أرقد وبكرة لنا لقاء ان شا الله وتصبح على خير تحيــــــــــــــــة*

اشكرك اخي الفضل على ماقدمت
من ابيات
صح لسانك وسلمت يداك
موفق ان شاء الله

طيري غدى
تم التعديل ولا تنسى ترا تظاعف المبلغ الى ست ريال تحيــــــــــــــــة

لؤلؤة زهران صح بدنك واسعدني مرورك

فهد قزعه تسلم على التعديل بس فيه معاني اختلفت لذلك استبدلنا الدراهم بقهوه طال عمرك ميه ميــــه

مايمنع لكن فنجال واحد بس لاذبيحه ولاغيرها لاتحلف عليه تراني انحرج من الطيبين امثالك